Durnukly ösüş maksatlary boýunça duşuşyk
2023-nji ýylyň 17-nji aprelinde Türkmenistanyň Daşary işler ministrliginiň Halkara gatnaşyklary institutynyň Durnukly ösüş maksatlary boýunça ylmy-usulyýet merkezinde Türkmenistanyň Zähmet we ilaty durmuş taýdan goramak ministrliginiň, şeýle-hem Hazar deňzi institutynyň wekilleriniň gatnaşmagynda okuw sapagy geçirildi. Okuw sapagynyň dowamynda Birleşen Milletler Guramasynyň Türkmenistandaky Hemişelik utgaşdyryjysynyň wekilhanasynyň wekilleri “Herkime elýeterli suw we arassaçylyk”, “Durnukly energiýa ykdysadyýeti we ekosistemalary goramak”, “Durnukly ösüş we iş üpjünçiligi”, “Dünýä we sebit derejesindäki senagatlaşma, innowasiýalar we infrastruktura”, “Durnukly şäherler we şäherçeler”, “Durnukly ösüş üçin halkara hyzmatdaşlyk” ýaly mowzuklar boýunça çykyş etdiler. Şeýle-de okuw sapagynyň dowamynda sanly ulgamyň üsti bilen Ženewa şäherindäki Birleşen Milletler Guramasynyň Ýewropa ykdysady komissiýasynyň Durnukly energiýa bölüminiň hünärmeni Iwa Brkiç, Wena şäherindäki Birleşen Milletler Guramasynyň Senagat ösüşi boýunça edarasynyň Sanly üýtgeşmeler we Emeli Intellekt strategiýalary bölüminiň hünärmeni Farruh Alimjanow we Birleşen Milletler Guramasynyň Ilatly nokatlar boýunça Maksatnamasynyň Naýrobidäki edarasynyň Gündogar Ýewropa we Merkezi Aziýanyň sebitara geňeşçisi Katýa Şefer ýaly tejribeli hünärmenler gatnaşyp öz tejribelerini paýlaşdylar. Duşuşygyň ahyrynda bellenilen mowzuklar boýunça gatnaşyjylar öz aralarynda sorag-jogap alyşdylar hem-de bilelikde ýadygärlik surata düşdiler.
Ýupar EGIRJÄÝEWA,
Türkmenistanyň Daşary işler ministrliginiň
Halkara gatnaşyklary institutynyň
Halkara ykdysady gatnaşyklary fakultetiniň II ýyl talyby,
Durnukly Ösüş Maksatlarynyň Ýaş ilçisi.
https://turkmenistan.gov.tm/ru/post/71647/turkmenistancy-znakomyatsya-s-globalnymi-prioritetami-cur
https://orient.tm/ru/post/51575/oon-v-turkmenistane-sposobstvuet-povysheniyu-osvedomlennosti-budushchih-liderov-v-oblasti-cur