Döredijilikli zähmet we adam hukuklary boýunça ylmy-amaly maslahat geçirildi
2024-nji ýylyň 7-nji dekabrynda Türkmenistanyň Daşary işler ministrliginiň Halkara gatnaşyklary institutynda Türkmenistanyň hemişelik Bitaraplygynyň 29 ýyllygy we Adam hukuklarynyň halkara güni mynasybetli, Türkmenistanyň Kärdeşler arkalaşyklarynyň Milli merkezi bilen Türkmenistanyň Döwlet, hukuk we demokratiýa institutynyň “Demokratiýa we hukuk” žurnalynda yglan edilen “Döredijilikli zähmet we adam hukuklary” atly ylmy-amaly makalalaryň bäsleşiginiň jemlerine bagyşlanan “Türkmenistanyň hemişelik Bitaraplygy: ykdysady we syýasy ösüşleriň gözbaşydyr” atly baýramçylyk dabarasy geçirildi.
Baýramçylyk maslahatynda ÝUNESKO-nyň işleri boýunça Türkmenistanyň milli toparynyň jogapkär sekretary, Türkmenistanyň Daşary işler ministrliginiň Halkara gatnaşyklary institutynyň rektory, Türkmenistanyň Kärdeşler arkalaşyklarynyň Milli merkeziniň, Türkmenistanyň Mejlisiniň, Türkmenistanyň Döwlet, hukuk we demokratiýa institutynyň hem-de Magtymguly adyndaky Türkmen döwlet uniwersitetiniň wekilileri çykyş etdiler. Şeýle hem, Türkmenistanyň Daşary işler ministrliginiň Halkara gatnaşyklary institutynyň mugallymlary we talyplary, “Döredijilikli zähmet we adam hukuklary” baradaky ylmy-amaly makalalaryň bäsleşiginiň ýeňijileri gatnaşdylar. Ýeri gelende bellesek, bäsleşiginiň ýeňijilerine Türkmenistanyň Kärdeşler arkalaşyklarynyň Milli merkeziniň adyndan gymmat bahaly Sowgatlary we Hormat hatlaryny dabaraly ýagdaýda gowşuryldy. Maslahatyň dowamynda oňa gatnaşyjylar Türkmenistanda adam hukuklary çygrynda durmuşa geçirilýän işler barada çykyşlar edildi.
Baýramçylyk maslahaty institutyň çeper höwesjeňleriniň ýerine ýetirmegindäki aýdym-sazly çykyşlar bilen utgaşyp gitdi.
Tawus NEPESOWA,
Türkmenistanyň Daşary işler ministrliginiň
Halkara gatnaşyklary institutynyň
Halkara hukugy fakultetiniň
III ýyl talyby.
Bu barada şu ýerde hem okap bilersiňiz: