Daşky gurşawy goramak we ekologiýa medeniýeti boýunça internet olimpiadasy
2023-nji ýylyň 17-nji maýynda Türkmenistanyň Daşary işler ministrliginiň Halkara gatnaşyklary institutynda Daşky gurşawy goramagyň Bütindünýä güni mynasybetli ýurdumyzyň umumybilim berýän mekdepleriniň 10 — 11-nji synp okuwçylarynyň arasynda daşky gurşawy goramak we ekologiýa medeniýeti boýunça internet olimpiadasy geçirildi. Institutyň Durnukly ösüş maksatlary boýunça ylmy-usulyýet merkezi tarapyndan guralan olimpiada mekdep okuwçylarynyň 350-den gowragy gatnaşdy.
Tebigatymyzy gorap saklamakda, ondan rejeli peýdalanmakda, daşky gurşawyň zaýalanmagynyň öňüni almakda ýaşlaryň düşünjesini giňeltmekde we olaryň ekologiýa medeniýetini ýokarlandyrmak maksady bilen geçirilen bu olimpiada Durnukly ösüş maksatlaryna ýetmekde möhüm ädimleriň biri boldy.
Olimpiadanyň netijeleri toplanan ballaryň jemleri boýunça kesgitlenip, ýeňijilere Türkmenistanyň Daşary işler ministrliginiň Halkara gatnaşyklary institutynyň hem-de Birleşen Milletler Guramasynyň Türkmenistandaky wekilhanasynyň I, II, III derejeli diplomlary we gymmat bahaly sowgatlary gowşurylar.
Güljan ORAZNEPESOWA,
Türkmenistanyň Daşary işler ministrliginiň
Halkara gatnaşyklary institutynyň
Halkara žurnalistikasy fakultetiniň II ýyl talyby.
Bäsleşigiň netijeleri:
Şeýle hem bu barada şu ýerden
okap bilersiňiz:
https://turkmenistan.gov.tm/tk/habar/72609/butindunya-dasky-gursawy-gormagyn-gunune-bagyslanan-baslesigin-yenijileri-yglan-edildi