Daşky gurşawy goramagyň bütindünýä gününe bagyşlanylan ylmy-okuw maslahat
2021-nji ýylyň 5-nji iýunynda Türkmenistanyň Daşary işler ministrliginiň Halkara gatnaşyklary institutynda Daşky gurşawy goramagyň bütindünýä güni mynasybetli “Türkmenistanyň ekologiýa diplomatiýasy” atly ylmy-okuw maslahaty geçirildi. Oňa institutymyzyň professor-mugallymlary we talyp ýaşlary gatnaşdylar. Maslahaty ýokary okuw mekdebimiziň Jemgyýeti öwreniş ylymlary kafedrasynyň uly mugallymy Ogulgurban Ezimowa alyp bardy.
Ylmy-amaly maslahatyň dowamynda çykyş edenler durnukly ösüş maksatlary boýunça ýurdumyzda alnyp barylýan işler, olaryň dünýä möçberindäki ähmiýeti dogrusynda prezentasiýalar esasynda gürrüň berdiler. Şeýle-de, maslahatyň ahyrynda institutymyzda hereket edýän “Paýhas we parasat” gurnagynyň agzalaryndan birnäçe döwlet bäsleşiklerinde ýeňiji bolan has göreldeli talyplar gymmat bahaly sowgatlar bilen sylaglanyldy.
Tawus AKJAÝEWA,
Türkmenistanyň Daşary işler ministrliginiň
Halkara gatnaşyklary institutynyň
Halkara žurnalistikasy fakultetiniň II ýyl talyby.