DAŞARY ÝURTLY MYHMANLAR ÜÇIN WATANYMYZYŇ TARYHY ÝADYGÄRLIKLERINE GEZELENÇ
2025-nji ýylyň 13-nji maýynda Türkmenistanyň Daşary işler ministrliginiň Halkara gatnaşyklary institutynyň guramagynda geçirilýän “Türkmenistanyň daşary syýasaty we diplomatiýasy: parahatçylygyň, howpsuzlygyň we durnukly ösüşiň hatyrasyna hyzmatdaşlyk” atly halkara ylmy-amaly maslahatyna we “Halkara gatnaşyklary: parahatçylyk dialogynyň medeniýeti” atly II halkara bäsleşigine gatnaşyjylar üçin “Halk hakydasy” ýadygärlikler toplumyna we ÝUNESKO-nyň Bütindünýä medeni mirasynyň sanawyna girizilen “Nusaý” taryhy ýadygärlikler toplumyna gezelençler gurnaldy.
Gezelenjiň barşynda myhmanlar “Halk hakydasy” ýadygärlikler toplumynda ýerleşýän “Watan mukaddesligi” muzeýine aýlanyp, eksponatlary, gymmatlyklary synladylar. Soňra daşary ýurtlardan gelen halkara bäsleşige we halkara ylmy-amaly maslahatyna gatnaşyjylar ÝUNESKO-nyň Bütindünýä medeni mirasynyň sanawyna girizilen “Nusaý” taryhy ýadygärlikler toplumyna bardylar. Myhmanlar gadymy Parfiýa patyşalygynyň ýadygärlikleriniň öwrenilişi, bu ýeriň taryhy tapyndylary bilen tanyşyp, olaryň gymmatlygyny subut edýän taryhy maglumatlary diňlediler.
Şyhdurdy ŞYHYÝEW,
Türkmenistanyň Daşary işler ministrliginiň
Halkara gatnaşyklary institutynyň
Halkara gatnaşyklary fakultetiniň II ýyl talyby.