DAŞARY ÝURTLY MYHMANLAR ÜÇIN GYZYKLY GEZELENÇLER
2025-nji ýylyň 12-nji maýynda Türkmenistanyň Daşary işler ministrliginiň Halkara gatnaşyklary institutynyň guramagynda geçirilýän “Türkmenistanyň daşary syýasaty we diplomatiýasy: parahatçylygyň, howpsuzlygyň we durnukly ösüşiň hatyrasyna hyzmatdaşlyk” atly halkara ylmy-amaly maslahatyna we “Halkara gatnaşyklary: parahatçylyk dialogynyň medeniýeti” atly II halkara bäsleşigine gatnaşyjylar üçin Türkmenistanyň Döwlet medeniýet merkeziniň Döwlet muzeýine we Türkmen halysynyň milli muzeýine gezelenç gurnaldy.
Gezelenjiň barşynda myhmanlar Türkmenistanyň Döwlet medeniýet merkeziniň Döwlet muzeýine geldiler. Bu ýerde myhmanlar türkmen halkynyň şöhratly taryhyna degişli eksponatlar bilen tanyşdylar. Myhmanlar Türkmenistanyň Döwlet medeniýet merkeziniň Döwlet muzeýinden çykyp, Türkmen halysynyň milli muzeýine bardylar, türkmen halkynyň taryhyny wasp edýän nepis halylarymyzyň taryhy bilen tanyşdylar. Olary türkmen gelin-gyzlarynyň nepislik bilen dokan halylary we olaryň görnüşleri, türkmeniň ak öýi, milli egin-eşikleri haýran galdyrdy.
Daşary ýurtly myhmanlar üçin bu gezelençler aýratyn ýatdan çykmajak pursatlara baý boldy. Ýurdumyzyň şeýle baý taryhy-medeni ýadygärlikleri, amaly-haşam sungatynyň ajaýyp nusgalary myhmanlarda ýakymly täsirleri galdyrdy.
Şyhdurdy ŞYHYÝEW,
Türkmenistanyň Daşary işler ministrliginiň
Halkara gatnaşyklary institutynyň
Halkara gatnaşyklary fakultetiniň II ýyl talyby.