Çeper okaýyş boýunça bäsleşik geçirildi
2021-nji ýylyň 10-njy noýabrynda Türkmenistanyň Daşary işler ministrliginiň Halkara gatnaşyklary institutynda hormatly Prezidentimiziň “Garaşsyzlyk – bagtymyz” hem-de “Türkmenistan – Bitaraplygyň mekany” atly kitaplaryndan talyplaryň arasynda çeper okaýyş bäsleşigi geçirildi. Oňa institutyň bagtyýar talyplary gatnaşdylar.
“Jemgyýeti öwreniş ylymlary” kafedrasynyň guramagynda geçirilen bu bäsleşikde talyplar Gahryman Arkadagymyzyň kitaplaryndan jümleleri labyzly okap berdiler. Emin agzalaryň gelen netijelerine görä, oňa gatnaşan ähli talyplar ýeňiji diýlip yglan edildi. Bäsleşikde labyzly okaýyş boýunça çykyş eden talyplara gurnaýjylar tarapyndan hormat hatlary we ýadygärlik sowgatlary gowşuryldy.
Kakajan KAKAJANOW,
Türkmenistanyň Daşary işler ministrliginiň
Halkara gatnaşyklary institutynyň
Halkara žurnalistikasy fakultetiniň II ýyl talyby.