Bütindünýä telewideniýe güni
Bütindünýä telewideniýe güni her ýyl 21-nji noýabrda bellenilip geçirilýär. Bu sene 1996-njy ýylda Birleşen Milletler Guramasy tarapyndan dünýä jemgyýetçiliginiň medeni, ykdysady we syýasy durmuşynda telewideniýäniň ähmiýetini bellemek maksady bilen döredildi. Telewideniýe adamlaryň durmuşyna täsir edýän iň güýçli kommunikasiýa serişdeleriniň biri bolup, maglumat, bilim we medeniýetleriň gatnaşygynda möhüm orny eýeleýär.
Telewideniýe – habar beriş serişdeleriniň möhüm
görnüşleriniň biri bolmak bilen onuň täsir edijilik ukyby
güýçlüdir. Telewideniýe adamlary bir wagtda ýurduň
içersindäki wakalar bilen birlikde, dünýä ýüzündäki
wakalar bilenem tanyşdyrýar. Telewideniýe arkaly köpçülikleýin wagyz, jemgyýetçilik pikirine täsir ýetirmek, ýaşlaryň bilim derejelerini ýokarlandyrmak we dünýäniň dürli künjündäki täzelikleri wagtynda ýetirmek mümkin bolýar. Şeýle hem telegepleşikler sungaty ösdürýär, döredijilikli zehinleriň ýüze çykmagyna ýol açýar.
Umuman, telewideniýe häzirki zaman adamlarynyň durmuşyň aýrylmaz bölegi bolup galýar. Ol dünýädäki habarlaryň ýeke-täk çeşmesi däl, eýsem jemgyýetiň medeni kämilleşmegine, bilime, pikir alyş-çalşyga, ösüşe hyzmat edýän täsirli güýçdir. Şonuň üçin 21-nji noýabrda bellenýän Bütindünýä telewideniýe güni dünýäniň maglumat giňişliginde parahatçylygyň we bitewüligiň nyşany hökmünde aýratyn ähmiýete eýedir.
Serdar ÝAZJUMAÝEW,
Türkmenistanyň Daşary işler ministrliginiň
Halkara gatnaşyklary institutynyň
Halkara žurnalistikasy fakultetiniň mugallymy.