Bütindünýä telewideniýe güni
1996-njy ýylda Birleşen Milletler Guramasynyň Baş Assambleýasy tarapyndan 21-nji noýabr – Bütindünýä telewideniýe güni diýlip yglan edildi. Baýramçylygyň maksady – tutuş dünýäde parahatçylygyň hem-de ösüşiň ilerledilmeginde telewideniýäniň ähmiýetine ünsi çekmekden ybaratdyr. Bu baýramçylygyň döredilmegine gatnaşyjylar dünýä ýurtlaryny parahatçylygyň, howpsuzlygyň üpjün edilmegine, durnukly ösüşiň gazanylmagyna hem-de medeni arabaglanyşygy güýçlendirmäge gönükdirilen telegepleşikleriň taýýarlanyp, teletomaşaçylara ýetirilmegini gazanmakdan ybaratdyr.
Ýeri gelende bellesek, ilkinji telewizory asly russiýaly amerikan inženeri Wladimir Zworyki oýlap tapdy.
Häzirki wagtda telewizorsyz durmuşymyzy göz öňüne getirmek mümkin däl. Telewizorlar barada gyzykly maglumatlar barada bellesek, her bir adam ömrüniň ortaça, 15 ýylyny telewizora tomaşa etmäge sarp edýär. Iň gymmat telewizoryň bahasy 2 250 000 dollar bolup, onuň daşy altyn we göwherden ýasalypdyr. Iň gymmat mahabat “Chanel” brendine degişli bolup, onuň bahasy 33 million dollara deňdir. Bu mahabatda dünýä belli aktrisa Nikol Kidman surata düşdi we 2 minutlyk mahabat keşbi üçin 3 million dollar aldy.
Kakageldi AKMYRADOW,
Türkmenistanyň Daşary işler ministrliginiň
Halkara gatnaşyklary institutynyň
Halkara žurnalistikasy fakultetiniň
Syýasy kommunikasiýa we internet žurnalistikasy
hünäriniň II ýyl talyby.