Bütindünýä poçta güni
Bütindünýä poçta bileleşigi poçta işgärleri bilen Birleşen Milletler Guramasyna baglanyşykly ýöriteleşdirilen guramanyň arasyndaky hyzmatdaşlygyň ilkinji bileleşigidir. Umumy poçta bileleşigi 1874-nji ýylda Bern şertnamasynyň tassyklanmagy bilen döredildi.
Bütindünýä poçta bileleşigi taryh boýunça ikinji uly halkara guramadyr. 1878-nji ýylda “Umumy poçta bileleşiginiň” ady “Ählumumy poçta bileleşigi” boldy. Bileleşik poçta hyzmatlaryny halkara derejesinde guramaga we gowulandyrmaga kömek etmegi maksat edinýär. Bileleşigiň merkezi Şweýsariýanyň Bern şäherinde ýerleşýär.
Bütindünýä poçta güni 1969-njy ýylda Ählumumy poçta bileleşigi tarapyndan döredilip, her ýyl geçirilýän halkara baýramçylyklaryň biridir. Bu baýramçylyk her ýylyň 9-njy oktýabrynda bir hepdeligiň çäginde işjeň ýagdaýda bellenilýär. 1984-nji ýylda Gamburgda geçirilen 19-njy Bütindünýä poçta kongresinde “Bütindünýä poçta birleşiginiň gününi” “Bütindünýä poçta gününe” öwürmek barada karar kabul edilýär. “Bütindünýä poçta güni” Birleşen Milletler Guramasynyň Halkara günleriniň sanawyna girizildi. Her ýyl dünýäniň 150-den gowrak döwletinde “Bütindünýä poçta güni” mynasybetli dürli çäreler geçirilýär.
Poçta bölümi iň gadymy aragatnaşyk guramalarynyň biridir. Adamlar poçta bölümi arkaly beýleki halklar we ýerler bilen köpden bäri aragatnaşyk saklapdyrlar. Poçta bu dünýäniň beýleki ýerleriniň we sebitleriniň ýaşaýjylarynyň arasynda iň gadymy we iň giň ýaýran aragatnaşyk görnüşidir.
Maksat GARÝAGDYÝEW,
Türkmenistanyň Daşary işler ministrliginiň
Halkara gatnaşyklary institutynyň
Halkara žurnalistikasy fakultetiniň
Syýasy kommunikasiýa we internet
žurnalistikasy hünäriniň 1-nji ýyl talyby.