07/06/2024
433
BMGÖM Türkmenistanda «Tokaýlar we innowasiýalar» infografiki bäsleşiginiň ýeňijilerini yglan etdi
2024-nji ýylyň 21-nji martynda Halkara Tokaýlar güni mynasybetli BMGÖM Türkmenistanda «Aral deňziniň basseýninde ýer baýlyklaryny we ýokary tebigy gymmatlyklary bolan ekoulgamlary gorap saklamak we durnukly dolandyrmak» taslamasynyň çäginde GEF tarapyndan maliýeleşdirilip, topragyň hasyllylygynyň peselmegi hem-de çölleşmegine sebäp bolýan ýerleriň zaýalanmagy ýaly daşky gurşaw meselelerine köpçüligiň ünsüni çekmek üçin «Tokaýlar we innowasiýalar» infografiki bäsleşigi geçiripdi.
Bu gün bolsa Türkmenistanyň tokaý ekoulgamlaryny goşmak bilen, ýerüsti ekoulgamlary goramagyň möhüm ähmiýetine şaýatlyk edýän bäsleşigiň ýeňijileri yglan edildi.
Bu bäsleşikde ýeňiji diýlip yglan edilenler:
1-nji orun — Gülşirin Kadyrowa;
2-nji orun — Aýlar Rozýewa;
3-nji orun — Babamyrat Baltaýew.
Baýrak gowşurylyş dabarasy 5-nji iýunda Daşky gurşaw goramagyň Bütindünýä gününiň öňüsyrasynda BMG-niň Aşgabatdaky binasynda geçirildi. BMGÖM-iň Türkmenistanda hemişelik wekili hökmünde Meri Rizaýewa ýeňijilere halkara guramasynyň adyndan degişli şahadatnamalary we baýraklary gowşurdy.
Ol BMGÖM-niň adyndan ýeňijileri gutlap, ähli gatnaşyjylara daşky gurşawy goramakdaky möhüm goşantlary üçin minnetdarlyk bildirdi. Bäsleşige gatnaşyjylaryň işleri diňe bir ýokary döredijilik we ussatlyk däl, eýsem, olaryň daşky gurşaw meselelerine çuňňur düşünýändigini hem görkezdi.
BMGÖM hemmeleri tokaýlary goramak işlerine işjeň gatnaşmaga çagyrýar.
Siziň goşandyňyz bütin zeminiň geljegi üçin möhümdir!