29/06/2024
2277
Beýik şahyrymyza bagyşlanan metbugat brifingi
2024-nji ýylyň 29-njy iýunynda Türkmenistanyň Daşary işler ministrliginiň Halkara gatnaşyklary institutynda Gündogaryň nusgawy şahyry we beýik akyldary Magtymguly Pyragynyň doglan gününiň 300 ýyllygy mynasybetli «Magtymguly Pyragy türkmen döwletliliginiň ylmy-filosofiki esaslarynyň binagäri» atly metbugat brifingi geçirildi. Oňa türkmen diplomatiýasynyň milli mekdebiniň halypa mugallymlarydyr talyplary işjeň gatnaşdylar.
Metbugat brifingi institutyň Žurnalistikanyň nazaryýeti we amalyýeti kafedrasy hem-de «Ýaş žurnalistler» ylmy-döredijilik gurnagy bilen bilelikde guraldy. Brifingde dana şahyryň döredijiligi, onuň eserleriniň ýaş nesilleri terbiýelemekdäki orny, halkara derejesinde şahyra bagyşlanyp geçirilýän dabaralar barada giňişleýin söhbet edildi. Oňa gatnaşyjylar beýik söz ussady Magtymguly Pyragynyň edebi mirasyny bütin dünýäde dabaralandyrýan Gahryman Arkadagymyzyň hem-de Arkadagly Gahryman Serdarymyzyň janlarynyň sag, ömürleriniň uzak bolmagyny arzuw etdiler.
Selbi GULMYRADOWA,
Türkmenistanyň Daşary işler ministrliginiň
Halkara gatnaşyklary institutynyň
Halkara žurnalistikasy fakultetiniň II ýyl talyby.
Soňky täzelikler
![MASLAHAT GEÇIRILDI surady](https://iirmfa.edu.tm/images/posts/IMG_20240708_164603_545_1720524234.webp)
09/07/2024
MASLAHAT GEÇIRILDI![Gandbol ýaryşy geçirildi surady](https://iirmfa.edu.tm/images/posts/1_1718461191.webp)
14/06/2024
Gandbol ýaryşy geçirildi