BEDEW BAÝRAMYNA BAGYŞLANAN YLMY-AMALY MASLAHAT
2022-nji ýylyň 18-nji aprelinde Türkmen bedewiniň milli baýramy mynasybetli Türkmenistanyň Daşary işler ministrliginiň Halkara gatnaşyklary institutynyň guramagynda S.A. Nyýazow adyndaky Türkmen oba hojalyk uniwersiteti bilen wideoaragatnaşyk arkaly ylmy-amaly maslahat geçirildi. Bu maslahatda S.A. Nyýazow adyndaky Türkmen oba hojalyk uniwersitetiniň Maldarçylyk kafedrasynyň uly mugallymy Ýusup Weliýew, S.A. Nyýazow adyndaky Türkmen oba hojalyk uniwersitetiniň Jemgyýeti öwreniş ylymlary kafedrasynyň mugallymy Akynýaz Sapargeldi, şol uniwersitetiň Maldarçylyk kafedrasynyň mugallymy Öwezgeldi Rahmanow dagylar çykyş etdiler.
Maslahatda çykyş eden mugallymlar ülkämizde duş gelýän meýdan atlaryny ylmy taýdan öwrenmegiň esaslary hem-de ahalteke atlarynyň ugurlary we olaryň reňk aýratynlyklary baradaky maglumatlara baý, ylmy taýdan kesgitli, anyk deliller bilen çykyş etdiler. Şeýle-de olar öz çykyşlarynda Gahryman Arkadagymyzyň behişdi bedewlerimize bagyşlanan kitaplaryndan mysallar getirip, täsirli gürrüň berdiler. Türkmeniň behişdi bedewleri baradaky maglumatlar talyplarda täsir galdyryp, ata-babalarymyzdan miras galan milli gymmatlyklarymyza buýsanç duýgulary goşalandy.
Halbibi SATLYKOWA,
Türkmenistanyň Daşary işler ministrliginiň
Halkara gatnaşyklary institutynyň
Halkara žurnalistikasy fakultetiniň I ýyl talyby.