Akyl-paýhas bäsleşiginiñ final oýnuna gatnaşyjylar mälim boldy
2025-nji ýylyň 23-nji aprelinde Türkmenistanyň Daşary işler ministrliginiň Halkara gatnaşyklary institutynyň garamagyndaky Ýaş diplomatlaryň mekdebiniň gurnamagynda mekdep okuwçylarynyň arasynda “Parahatçylygyň ýaş çaparlary” akyl-paýhas bäsleşiginiň «Bitarap Türkmenistanyň parahatçylygy dörediji diplomatiýasy: netijeli hyzmatdaşlygyň we durnukly ösüşiň ygtybarly guraly» atly şygar bilen geçirilýän IV möwsüminiň I ýarym final oýny geçirildi.
"Parahatçylygyñ ýaş çaparlary"atly akyl-paýhas bäsleşiginiñ birinji ýarym final oýnuna Aşgabat şäheriniñ iñlis dili we matematika derslerini çuñlaşdyryp öwredýän 49-njy orta mekdebiniñ 12-nji synp okuwçysy Yhlas Agöýliýew, Aşgabat şäheriniñ daşary ýurt dillerine we ynsançylyk ugurly okuw derslerine ýöriteleşdirilen 143-nji orta mekedebiniñ 11-nji synp okuwçysy Permanmyrat Amanmyradow, Mary welaýatynyñ Mary şäheriniñ 19-njy orta mekdebiniñ 12-nji synp okuwçysy Näzik Amanowa, Aşgabat şäheriniñ Saparmyrat Türkmenbaşy adyndaky umumybilim berýän mekdep-internatynyñ 12-nji synp okuwçysy Atajan Atadurdyýew, Lebap welaýatynyñ Kerki etrabynyñ 18-nji orta mekdebiniñ 12-nji synp okuwçysy Sylapberdi Çaryýew, Aşgabat şäheriniñ daşary ýurt dillerini çuñlaşdyryp öwredýän ýöriteleşdirilen 90-njy orta mekdebiniñ 12-nji synp okuwçysy Gülşat Meredowa, Aşgabat şäheriniñ ýöriteleşdirilen 16-njy orta mekdebiniñ 11-nji synp okuwçysy Medine Myratberdiýewa, şeýle hem Lebap welaýatynyñ Saýat etrabynyñ 9-njy orta mekdebiniñ 10-njy synp okuwçysy Kakajan Şöhradow dagylar gatnaşdylar.
Bäsleşige Türkmenistanyñ Daşary işler ministrliginiñ Halkara gatnaşyklary institutynyñ Halkara gatnaşyklary we diplomatiya kafedrasynyñ uly mugallymy, filosofiýa ylymlarynyñ kandidaty Begenç Karaýew, Halkara ynsanperwer ylymlary we ösüş uniwersitetiniñ Sosiologiýa we filosofiýa kafedrasynyñ mugallymy Akbibi Ýazgeldiýewa, şeýle hem Türkmenistanyñ Daşary işler ministrliginiñ Halkara gatnaşyklary institutynyñ Halkara gatnaşyklary we diplomatiya kafedrasynyñ öwreniji mugallymy Yslam Şükürow dagylar adalatly eminlik etdiler.
Emin-agzalaryñ adalatly baha bermeklerine görä, akyl-paýhas bäsleşiginiñ birinji ýarym final oýnunda Aşgabat şäheriniñ Saparmyrat Türkmenbaşy adyndaky umumybilim berýän mekdep-internatynyñ 12-nji synp okuwçysy Atajan Atadurdyýew, Aşgabat şäheriniñ ýöriteleşdirilen 16-njy orta mekdebiniñ 11-nji synp okuwçysy Medine Myratberdiýewa, Aşgabat şäheriniñ daşary ýurt dillerini çuñlaşdyryp öwredýän ýöriteleşdirilen 90-njy orta mekdebiniñ 12-nji synp okuwçysy Gülşat Meredowa, Lebap welaýatynyñ Saýat etrabynyñ 9-njy orta mekdebiniñ 10-njy synp okuwçysy Kakajan Şöhradow dagylar bäsleşigiñ final oýnuna gatnaşmaga hukuk gazandylar.
Akyl-paýhas bäsleşiginiň IV möwsüminiň birinji ýarym final oýnuna Türkmenistanyň Magtymguly adyndaky Ýaşlar guramasynyň Merkezi Geňeşi we Türkmenistanyň Milli ýaý atyjylyk federasiýasy hemaýatkärlik etdiler. Ýeňijiler we bäsleşige gatnaşyjylar ýadygärlik sowgatlar bilen sylaglandylar. Şeýle-de olara institutymyzyň Hormat hatlary gowşuryldy.
«Parahatçylygyň ýaş çaparlary» atly akyl-paýhas bäsleşiginiň IV möwsüminiň birinji ýarym final oýny Türkmenistanyň Telewideniýe, radiogepleşikler we kinematografiýa baradaky döwlet komitetiniň «Miras» teleradioýaýlymy hem-de Türkmenistanyň Daşary işler ministrliginiň Halkara gatnaşyklary institutynyň okuw studiýasy bilen bilelikde ýazgy edildi. Bäsleşik ýakyn günlerde «Miras» teleýaýlymynda tomaşaçylara ýetiriler.
Aýnur HUDAÝBERGENOWA,
Türkmenistanyñ Daşary işler ministrliginiñ
Halkara gatnaşyklary institutynyñ
Halkara žurnalistikasy fakultetiniñ III ýyl talyby.