Akyl-paýhas bäsleşigi - «HorjunTV»-de
Türkmen halkynyň Milli Lideri Gahryman Arkadagymyzyň degişli Karary esasynda 2021-nji ýylda Türkmenistanyň Daşary işler ministrliginiň Halkara gatnaşyklary institutynyň düzüminde döredilen Ýaş diplomatlaryň mekdebiniň guramagynda geçirilýän «Parahatçylygyň ýaş çaparlary» atly akyl-paýhas bäsleşigi ýurdumyzyň parahatsöýüjilikli daşary syýasatyna gyzyklanma bildirýän ýaşlaryň arasynda uly meşhurlyk gazandy.
Mekdep okuwçylaryny hünäre ugrukdyrmakda türkmen diplomatiýasynyň milli mekdebi tarapyndan durmuşa geçirilýän netijeli taslamalaryň biri bolan bu bäsleşige ýurdumyzyň meşhur onlaýn platformasy bolan «HorjunTV» mobil goşundysynda tomaşa etmäge mümkinçilik döredildi. Ozal habar berlişi ýaly, bu akyl-paýhas bäsleşiginiň ähli oýunlarynyň ýazgylary «Belet» platformasynyň «Belet Film», «Belet Video» mobil goşundylarynda hem tomaşaçylar üçin elýeterlidir.
Aýşirin DÖWLETOWA,
Türkmenistanyň Daşary işler ministrliginiň
Halkara gatnaşyklary institutynyň
Halkara žurnalistikasy fakultetiniň
II ýyl talyby.