21-nji sentýabr Halkara Parahatçylyk güni
Halkara Parahatçylyk güni 1981-nji ýylyň 30-njy noýabrynda BMG-niň Baş Assambleýasynyň ýyllyk mejlisiniň karary esasynda her ýylyň “Sentýabr aýynyň üçünji sişenbesi-Halkara parahatçylyk güni” diýlip yglan edildi. Ilkinji parahatçylyk güni 1982-nji ýylda bellenilip başlandy. Bu sene Birleşen Milletler Guramasy tarapyndan her ýylyň 21-nji sentýabrynda ählumumy ýaraşyk we howpsuzlyk gün hökmünde bellenilip geçilýär.
Her ýyl 21-nji sentýabrda Halkara parahatçylyk gününe bagyşlanyp BMG-de dürli çäreler geçirilýär. Bu halkara güni her ýyl bir şygar astynda geçirilýär.
Halkara Parahatçylyk gününiň maksady ýer ýüzünde asudalyk, ynanyşmak ýaly ýörelgeleri wagyz etmekden ybarat bolup durýar.Gahryman Arkadagymyzyň her bir tutumy dünýä halklarynyň bir-biregi bilen ynanyşyp, goldaşyp, parahat durmuşda eşretli ýaşamaklaryna gönükdirilendir.
Hormatly Prezidentimiziň baştutanlygynda BMG-niň Baş Assambleýasynyň 73-nji mejlisinde “2021-nji ýyl-Halkara Parahatçylyk we ynanyşmak ýyly”diýlip bellemek hakynda karar kabul edildi. Bu bolsa dünýä döwletleri tarapyndan gyzgyn goldawa eýe boldy. Goý, parahatçylyk we ynanyşmak bütin dünýäde mundan beýläk hem dabaralansyn!
Mähri BAÝRAMOWA,
Türkmenistanyň Daşary işler ministrliginiň
Halkara gatnaşyklary institutynyň
Halkara žurnalistikasy fakultetiniň II ýyl talyby.
Şeýle hem bu barada şu ýerden okap bilersiňiz!