15-nji iýul – Bütindünýä başarnyklar güni
Her ýylyň 15-nji iýulynda dünýä jemgyýetçiligi Birleşen Milletler Guramasynyň başlangyjy esasynda 2014-nji ýylda ýaşlaryň başarnyklaryny ösdürmäge, olaryň durmuş-ykdysady şertlerini gowulandyrmaga maýa goýmagyň ähmiýetine düşünmek maksady bilen döredilen Bütindünýä başarnyklar gününi giňden belleýär. Bu sene ýaşlara tehniki we hünär okuwlaryny özleşdirmäge, döwlet we hususy pudagyň gyzyklanýan taraplary bilen iş salyşmaga, telekeçilik ulgamy üçin hünär öwretmegiň ähmiýetini ykrar etmäge mümkinçilik döredýär.
Bütindünýä başarnyklar güni 2020-nji ýylda kyn şertlerde bellenildi. COVID-19 pandemiýasy sebäpli köp hünärler boýunça okuw jaýlary ýapyldy. Hasaplamalara görä, bilim edaralarynyň ýapylmagy dünýädäki talyplaryň, takmynan, 70 göterimine täsir edipdir.
Häzirki wagtda dünýäde 15‒24-ýaş aralygyndaky ýaşlaryň 1,2 milliardy bar, bu bolsa dünýä ilatynyň 1,6 göterimine barabardyr. Ýaşlyk durmuşyň işjeň döwrüdir. Ynsan ýaşlygynda geljeginiň berk binýadyna öwrüljek hünäriniň, durmuşynyň mazmunyna öwrüljek maşgalasynyň ilkinji başlangyjyny döredýär.
Ýaşlar tarapyndan goşmaça hünärleriň ele alynmagy üýtgäp durýan zähmet bazaryna girmegi ýeňilleşdirýär, iş we durmuş barada üstünlikli, ynamdar çözgütleri çykarmaga kömek edýär.
Aýgül MÄTIÝEWA,
Türkmenistanyň Daşary işler ministrliginiň
Halkara gatnaşyklary institutynyň
Halkara žurnalistikasy fakultetiniň talyby.