ZEHINLI TALYPLARYŇ MENEJMENT UGRUNDAKY YLMY ÝEŇŞI
2026-njy ýylyň 25-nji martynda Türkmen döwlet ykdysadyýet we dolandyryş institutynda ýurdumyzyň ýokary okuw mekdepleriniň talyplarynyň arasynda “Menejment” dersi boýunça internet olimpiadasy geçirildi. Bu bäsleşik ýurdumyzda sanly bilim ulgamyny ösdürmek, talyplaryň nazary bilimlerini çuňlaşdyrmak hem-de olaryň döredijilik ukyplaryny ýüze çykarmak maksady bilen guraldy. Sanly maglumat-kommunikasiýa tehnologiýalarynyň giňden ulanylmagy esasynda geçirilen olimpiada zehinli talyplary bir ýere jemledi.
Olimpiadanyň netijeleri boýunça Türkmenistanyň Daşary işler ministrliginiň Halkara gatnaşyklary institutynyň Halkara ykdysady gatnaşyklary fakultetiniň 2-nji ýyl talyby Gülaýym Bakyýewa I orna, 3-nji ýyl talyby Dawut Gezerow II orna, 2-nji ýyl talyby Aýlar Jumaýewa III orna mynasyp bolup, diplomlar bilen sylaglandylar.
Bu üstünlik talyplaryň ylym-bilime bolan höwesiniň ýokarydygyny, şeýle hem olaryň geljekde öz hünär ugurlary boýunça uly üstünlikleri gazanmaga ukyplydygyny aýdyň görkezýär.
Mekan DÖWRANOW,
Türkmenistanyň Daşary işler ministrliginiň
Halkara gatnaşyklary institutynyň
Halkara ykdysady gatnaşyklary fakultetiniň 3-nji ýyl talyby.