![Ýürek buýsanjy surady](https://iirmfa.edu.tm/images/posts/DSC_0021~1_1718460325.webp)
15/06/2024
772
Ýürek buýsanjy
Arkadagly Gahryman Serdarymyzyň parasatly baştutanlygynda «Pähim-paýhas ummany Magtymguly Pyragy» ýylynyň her bir güni türkmen ýaşlaryny täze ylmy, döredijilik we zähmet üstünliklerine ruhlandyrýan wakalara beslenýär. Şeýle bagtyýar seneleriň birinde maňa bagtyýar ýaşlaryň hatarynda Türkmenistanyň Daşary işler ministrliginiň Halkara gatnaşyklary institutynyň Syýasy kommunikasiýa we internet žurnalistikasy ugrunyň magistranty bolmak bagty miýesser etdi. Syýasy kommunikasiýa we internet žurnalistikasy ugrunyň magistranty bolup okamak, KHBS-niň ugurlary boýunça ylmy taýdan çuňňur bilim almak, jemgyýetçilik-syýasy taýdan taýýarlykly biz magistrantlar üçin uly dereje boldy.
Şu hünäri saýlamak türkmen diplomatiýasynyň milli mekdebiniň — Türkmenistanyň Daşary işler ministrliginiň Halkara gatnaşyklary institutynyň magistrantlarynyň alyp barýan ylmy işiniň netijeliligini ýokarlandyrmak boýunça aýratyn işjeňlik görkezenligidir. Munuň özi geljekki türkmen diplomatlarynyň Türkmenistan döwletimiziň halkara abraýyny pugtalandyrmaga, parahatsöýüjilikli ynsanperwer ýörelgelerini dünýä ýaýmaga mynasyp goşandymyzy goşjakdygyna pugta ynam döredýär. Bu babatda bolsa, türkmen halkynyň Milli Lideri Gahryman Arkadagymyz, Arkadagly Gahryman Serdarymyz biziň üçin nusgalyk görelde mekdebidir.
Ata Watanymyzyň halkara giňişlikdäki abraýyna abraý goşmak, türkmen ýaşlarynyň dünýä we döwür bilen aýakdaş gitmeklerini üpjün etmek üçin ähli mümkinçilikleri döredip berýän Gahryman Arkadagymyzyň, Arkadagly Gahryman Serdarymyzyň janlarynyň sag, belent başlarynyň aman bolmagyny arzuw edýärin.
Nowruz KURBANOWA,
Türkmenistanyň Daşary işler ministrliginiň
Halkara gatnaşyklary institutynyň
Syýasy kommunikasiýa we internet
žurnalistikasy ugrunyň magistranty.