ÝOL HEREKETINIŇ HOWPSUZLYGY – ÖMRÜMIZIŇ RAHATLYGY
2024-nji ýylyň 9-njy sentýabrynda Türkmenistanyň Daşary işler ministrliginiň Halkara gatnaşyklary institutynda Türkmenistanyň hukuk goraýjy edaralarynyň işgärleri bilen “Ýol hereketiniň howpsuzlygy – ömrümiziň rahatlygy” atly wagyz-nesihat çäresi geçirildi. Oňa Türkmenistanyň Baş prokuraturasynyň Baş müdirliginiň Hukuk üpjünçiligi bölüminiň uly prokurory, Türkmenistanyň Içeri işler ministrliginiň Polisiýanyň Ýol gözegçilik müdirliginiň 4-nji bölüminiň uly gözegçisi, polisiýanyň maýory Juma Pygyýew, 1-nji derejeli ýurist Jennet Arazowa, Türkmenistanyň Içeri işler ministrliginiň Jenaýat agtaryş müdirliginiň wekili, polisiýanyň maýory Serdar Akmämmedow, Türkmenistanyň Içeri işler ministrliginiň 4-nji müdirliginiň wekili, polisiýanyň maýory Batyr Berkeliýew, Türkmenistanyň Içeri işler ministrliginiň Derňew müdirliginiň 2-nji bölüminiň AMTB-ça uly gözegçisi, polisiýanyň maýory Azat Saparjaýew, Türkmenistanyň Içeri işler ministrliginiň ýanyndaky Ýangyn howpsuzlygy müdirliginiň 6-njy bölüminiň uly gözegçisi içerki gullugyň podpolkownigi Gurbangeldi Atageldiýew, Türkmenistanyň Içeri işler ministrliginiň Metbugat merkeziniň wekili polisiýanyň podpolkownigi Toýly Abdyllaýew, Türkmenistanyň Içeri işler ministrliginiň Aşgabat şäher polisiýa müdirliginiň Berkararlyk etrap polisiýa bölüminiň wekili polisiýanyň kapitany Oguljan Gurbangulyýewa, Aşgabat şäheriniň Bagtyýarlyk etrap kazyýetiniň kazynyň kömekçisi, 2-nji derejeli ýurist Öwezgeldi Atageldiýew, Türkmenistanyň Döwlet gümrük gullugynyň harby gullukçysy, kapitan Eziz Dädebaýew, Türkmenistanyň Magtymguly adyndaky Ýaşlar guramasynyň Bagtyýarlyk etrap geňeşiniň başlygy Rüstem Mämmedow, Türkmenistanyň kärdeşler arkalaşyklarynyň Milli merkeziniň Döwlet edaralarynyň işgärleriniň kärdeşler arkalaşygynyň esasy hünärmeni Orazgül Orazmämmedowa, Aşgabat şäher Talyplar saglyk öýüniň wekili Bahar Abdullaýewa şeýle hem institutymyzyň mugallymlary we talyplary gatnaşdylar.
Türkmen halkynyň Milli Lideri Gahryman Arkadagymyzyň başlangyjy bilen 2013-nji ýylda badalga berlen “Ýol hereketiniň howpsuzlygy – ömrümiziň rahatlygy” atly şygar bilen geçirilýän biraýlygyň dowamynda giň möçberli çäreler, wagyz-nesihat duşuşyklary geçirilýär. Ýokary derejede geçirilýän çärelerde her bir raýatyň howpsuzlygyny üpjün etmek, ýol hereketiniň düzgünlerini berjaý etmek barada giňişleýin düşündiriş işleri alnyp barylýar. Her ýylyň 1-nji sentýabryndan 30-njy sentýabry aralygynda geçirilýän bu çäreler ýol-ulag hadysalarynyň azalmagyna, raýatlarymyzyň rahat hem-de abadan durmuşyny üpjün etmäge gönükdirilendir.
Mälim bolşy ýaly, häzirki wagtda ýurdumyzdaky mekdep okuwçylarynyň, ýokary okuw mekdepleriniň talyplarynyň, edara-kärhanalaryň we jemgyýetçilik guramalaryň işgärleriniň ýoldaky hereketiniň köpelýändigini nazara alyp geçirilýän bu çäreleriň her bir adamyň, esasan-da, mekdep okuwçylarynyň we talyp ýaşlaryň köpçülik ýerlerinde we ýol hereketlerinde seresap bolmaklaryny, şahsy howpsuzlygyny üpjün etmegiň düzgünlerini öwrenmeklerinde wajypdyr. Şu maksatly geçirilýän çäreleriň ýaşlary terbiýelemekdäki ähmiýeti uludyr.
Nurmyrat HUDAÝBERDIÝEW,
Türkmenistanyñ Daşary işler ministrliginiň
Halkara gatnaşyklary institutynyň
Halkara hukugy fakultetiniň II ýyl talyby.