“Ynsan syrdaşy” atly çeper filmi görkezildi
2026-nji 22-nji fewralynda “Aşgabat” kinoteatrynda Oguzhan adyndaky “Türkmenfilm” birleşiginiň surata düşüren “Ynsan syrdaşy” atly çeper filmiň görkezilişi boldy. Görkezilen filme Türkmenistanyň Daşary işler ministrliginiň Halkara gatnaşyklary institutynyň mugallymlarydyr talyp ýaşlary hem gatnaşdylar.
Bu film Gahryman Arkadagymyzyň “Türkmen alabaýy” atly kitabyndaky rowaýatlar esasynda Öwezmyrat Berdimyradow bilen Atamyrat Şagulyýewiň bilelikde ýazan edebi esasynda surata düşürildi. Filmde türkmen alabaýynyň diňe bir ynsanyň dosty bolman, eýsem, syrdaşydygy aýdyň suratlandyrylýar. Filmiň baş gahrymanlary Ogulla bilen Keremiň alabaý güjüjegiň sebäp bolmagy bilen maksat myratlaryna ýetişleri çeper beýan edilýär. Esasy belläp geçmeli zat bolsa, ýaşajyk zehinleriň, ýagny mekdep okuwçylarynyň özlerine ynanylan keşpleriň hötdesinden gelip bilendikleridir.
Çeper film tomaşaçylarda ýakymly täsirleri galdyryp, halk köpçüligi tarapyndan gyzgyn garşy alyndy.
Ogulnar GARRYGULOWA,
Türkmenistanyň Daşary işler ministrliginiň
Halkara gatnaşyklary institutynyň
Halkara žurnalistikasy fakultetiniň 2-nji ýyl talyby.