YLMY-USULY SEMINAR GEÇIRILDI
2024-nji ýylyň 11-nji martynda Türkmenistanyň Daşary işler ministrliginiň Halkara gatnaşyklary institutynyň professor-mugallymlary üçin Türkmenistanyň Oguz han adyndaky Inžener-tehnologiýalar uniwersitetiniň Ylym bölüminiň başlygy, oba-hojalyk ylymlarynyň doktory Hojamyrat Işangulyýewyň alyp barmagynda ylmy-usuly seminar geçirildi.
Okuw maslahatynyň başynda Türkmenistanyň Daşary işler ministrliginiň Halkara gatnaşyklary institutynyň ylym işler boýunça prorektory taryh ylymlarynyň kandidaty Begenç Mätliýew mugallymlary ylmy işe ugrukdyrmak, ylmy makala, tezis taýýarlamak üçin seminaryň ähmiýetli barada aýdyp, Türkmenistanyň Bilim ministriniň №12 (17.01.2022ý.) belgili buýrugy bilen tassyklanan “Ýokary okuw mekdebiniň mugallymynyň şahsy iş meýilnamasyny düzmek boýunça Gözükdirijiniň” talaplaryna laýyklykda, ylmy işleri alyp barmagyň hökmany talapdygyny aýtdy. Şeýle hem Hojamyrat Işangulyýew çykyşynyň dowamynda, mugallymlary ylmy işe ugrukdyrmakda, ylmy makala, tezis taýýarlamak üçin seminaryň ähmiýeti hem-de bu ugurda ýurdumyzda alnyp barylýan işler dogrusynda belläp geçdi.
Türkmenistanda bilim ulgamyny ösdürmek boýunça işleriň depgini barha artýar. Halkymyzyň geçmişini bilýän, döwletimiziň bu günki ýeten belentliklerine guwanýan, buýsanýan, ylymly-bilimli, berkarar Watanymyzy has-da beýgeltmäge ukyply hakyky watansöýüji nesilleri ýetişdirmekde uly aladalar edilýär. Ýaş nesliň Watanymyza, hormatly Prezidentimize wepaly bolup ýetişmegi hem-de dünýä ülňülerine laýyk bilim almagy üçin ähli şertleri döredýän Gahryman Arkadagymyza, Arkadagly Gahryman Serdarymyza çäksiz sag bolsun aýdýarys, Gahryman Arkadagymyzyň, Arkadagly Gahryman Serdarymyzyň jany sag, başy dik, il bähbitli, ýurt ähmiýetli alyp barýan işleriniň elmydama rowaç almagyny arzuw edýäris.
Şagylyç BERDIÝEW,
Türkmenistanyň Daşary işler ministrliginiň
Halkara gatnaşyklary institutynyň
Halkara hukugy fakultetiniň III ýyl talyby.