YLMY-SEMINAR GEÇIRILDI
2024-nji ýylyň 21-nji maýynda Türkmenistanyň Daşary işler ministrliginiň Halkara gatnaşyklary institutynda Jemgyýeti öwreniş ylymlary kafedrasynyň «Paýhas we parasat» ylmy gurnagynyň agzalarynyň gatnaşmagynda şu ýylyň 22-nji fewralynda Gahryman Arkadagymyzyň Türkmenistanyň Halk Maslahatynyň Prezidiumynda eden çykyşyndan gelip çykan wezipeler boýunça ylmy-seminar geçirildi. Bilşimiz ýaly, türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedowyň başlyklygynda Maslahatlar merkezinde Türkmenistanyň Halk Maslahatynyň Prezidiumynyň mejlisi geçirildi. Mejlisiň esasy meselesi «Türkmenistany 2024-nji ýylda durmuş-ykdysady taýdan ösdürmegiň we maýa goýum Maksatnamasyny» üstünlikli durmuşa geçirmek boýunça gaýragoýulmasyz wezipeler boldy.
Ylmy-seminarda Jemgyýeti öwreniş ylymlary kafedrasynyň mugallymy D.Hekimowa «Paýhas we parasat» ylmy gurnagynyň agzalary bilen duşuşyp, türkmen halkynyň Milli Lideri, Türkmenistanyň Halk Maslahatynyň Başlygy Gahryman Arkadagymyzyň Halk Maslahatynyň Prezidiumynyň mejlisinde eden çykyşynyň ähli möhüm taraplaryny açyp görkezdi. Sapagyň möhüm bölegi türkmen halkynyň Milli Lideri, Türkmenistanyň Halk Maslahatynyň başlygy Gahryman Arkadagymyzyň çykyşynyň ähmiýetini ara alyp maslahatlaşmak boldy.
Talyplar halypa mugallymyň gürrüňini uly gyzyklanma bilen diňlediler we söhbetdeşlige işjeň gatnaşdylar. Sapak talyplara bilimlerini giňeltmäge we syýasy sowatlylygyny ýokarlandyrmaga mümkinçilik berdi.
Dilber HEKIMOWA,
Türkmenistanyň Daşary işler ministrliginiň
Halkara gatnaşyklary institutynyň
Jemgyýeti öwreniş ylymlary kafedrasynyň mugallymy.