Yhlasa myrat…
Pähim-paýhas ummany Magtymguly Pyragy ýylymyzda ata Watanymyzyň her bir güni uly ösüşlere beslenýär. Arkadagly Gahryman Serdarymyzyň alyp barýan geljegi nazarlaýan oňyn başlangyçlary esasynda ýurdumyzda amala aşyrylýan döwlet syýasatynyň ähli ugurlarda bolşy ýaly, ýaşlar babatda amala aşyrylýan özgertmeler, edilýän aladalar halkymyzy täze üstünliklere ruhlandyrýar. Hormatly Prezidentimiz: “Watan söýüji, giň düşünjeli, ynsanperwer, zähmet söýer, maksada okgunly, belent ahlakly bagtyýar nesillerimiz ähli ukyp¬ başarnyklaryny eziz Watanymyzyň gülläp ösmegine bagyş etmelidir” diýip, biz ýaşlara uly ynam bildirýär.
Şeýle ynamdan ruhlanyp diýarymyzda her ýyl Hormatly Prezidentimiziň karary bilen Türkmenistanyň Ylymlar akademiýasy we Türkmenistanyň Magtymguly adyndaky Ýaşlar guramasynyň Merkezi Geňeşiniň bilelikde gurnamagynda Türkmenistanyň ýaşlarynyň arasynda ylmy işler boýunça geçirilýän bäsleşikde birnäçe ýaşlar özleriniň ylmy işleri bilen ýeňiji boldular. Şol sanda, maňa hem bu bäsleşige «Suw tygşytlaýjy enjamlary ulanmakda halkara tejribäniň ykdysady netijeliligi» diýen ylmy işim bilen gatnaşyp, III orna we hormatly Prezidentimiziň şa serpaýyna mynasyp bolmak bagty miýesser etdi. Bu baýraga mynasyp bolmagym meniň durmuşymyň iň bagtly we ýatdan çykmajak ajaýyp pursatlaryň biridir. Hormatly Prezidentimiziň biz ýaşlara bildirýän uly ynamyndan ruhlanyp çekýän zähmetimize berlen şeýle uly baha üçin biz ýaşlaryň buýsanjymyzyň çägi ýokdyr. Şeýle bagtyýar pursatda türkmen diplomatiýasynyň milli mekdebinde bilim alýan geljekki halkaraçy hünärmen hökmünde özüme bildirilen uly ynamy ödäp, geljekde ýurdumyzyň köptaraplaýyn diplomatiýasynyň ösüşine uly goşant goşmakda bar yhlasymy gaýgyrmajakdygyma ynandyrasym gelýär.
Ýurdumyzda ýaşlaryň döwrebap ylym¬, bilim almagy, hünär eýesi bolmagy, zähmet çekmegi, zehinlerini açyp görkezmekleri, ýurdumyzda amala aşyrylýan beýik özgertmelere öz mynasyp goşantlaryny goşmak üçin ähli mümkinçilikleri döredip berýän Gahryman Arkadagymyzyň, Arkadagly Gahryman Serdarymyzyň janlary sag, başlary dik bolsun, tutýan tutumly işleri rowaçlyklara beslensin.
Şeker BATYROWA,
Türkmenistanyň Daşary işler ministrliginiň
Halkara gatnaşyklary institutynyň
Halkara
ykdysady gatnaşyklary fakultetiniň III ýyl talyby.