Ýewropaly bilermenler Strategik barlaglar boýunça ylmy merkeziň hünärmenleri bilen duşuşyk geçirdi
15-nji maýda Türkmenistanyň Daşary işler ministrliginiň Halkara gatnaşyklary institutynda Ýewropada howpsuzlyk we hyzmatdaşlyk guramasynyň Parlament assambleýasynyň öňki prezidenti Kristina Muttonen, Awstriýanyň Wena şäherindäki Halkara parahatçylyk institutynyň konsultatiw geňeşiniň başlygy, professor Haýns Gartner we Şwedsariýanyň Bazel uniwersitetiniň professory Loren Goşe, bu institutynyň Strategik barlaglar boýunça ylmy merkeziniň hünärmenleri bilen duşuşyk geçirdi.
Ikitaraplaýyn tanyşlyk häsiýetli gürrüňden soňra, bitaraplyk statusyna bagyşlanan özara pikir alyşyldy. Myhmanlar merkeziň alyp barýan işi, öňünde durýan wezipeleri bilen tanyşdyryldy.
Söhbetdeşligiň dowamynda ewropaly myhmanlar özleriniň wekilçilik edýän ýurtlaray – Awstriýa we Şwedsariýanyň bitaraplyk konsepsiýalary we Bitaraplygyň molelleri, özboluşlylygy barada gürrüň berdiler. Has takygy, Bitaraplyk düşünjesiniň emele gelmegi, onuň gurallarynyň integrasiýa proseslerinde ulanylyşy, beýle statusly döwletleriň daşary syýasatlary barada gürrüň berdi.
Söhbetdeşlik many-mazmun taýdan baý we tejribe alyşmak jähtinden örän peýdaly boldy.
Türkmenistanyň DIM-niň Halkara gatnaşyklary
institutynyň
Strategik barlaglar boýunça ylmy merkezi