Ýeňijilere buýsanýarys
Türkmenistanyň ýokary okuw mekdepleriniň talyplarynyň arasynda matematikadan kämil baş çykarýan zehinli ýaşlary ýüze çykarmak maksady bilen, «Türkmenistanda sanly ykdysadyýeti ösdürmegiň 2021-2025-nji ýyllar üçin döwlet Maksatnamasyny», «Türkmenistanda sanly bilim ulgamyny ösdürmegiň Konsepsiýasyny» durmuşa ornaşdyrmagyň çäklerinde halkara hem-de ýurdumyzda geçirilýän internet olimpiadalaryna Türkmenistanyň Daşary işler ministrliginiň Halkara gatnaşyklary institutynyň talyplary hem işjeň gatnaşýarlar. 2022-nji ýylyň 24-nji aprelinde Halkara ynsanperwer ylymlary we öşüş uniwersitetiniň guramagynda Demirgazyk döwletleriniň ýokary okuw mekdepleriniň talyplarynyň arasynda geçirilen «Matematika» dersi boýunça halkara internet olimpiadasynda Halkara ykdysady gatnaşyklary fakultetiniň IV ýyl talyby Akmyrat Tirkeşow, Halkara žurnalistikasy fakultetiniň III ýyl talyby Begenç Aşyrow 3-nji ýerlere eýe boldular, şeýle-de hem 2022-nji ýylyň 27-30-njy aprel aralygynda Halkara ynsanperwer ylymlary we öşüş uniwersitetinde geçirilen olimpiada institutymyzdan 6 talyp gatnaşyp, olardan 4 sanysy ýokary netijeleri görkezdiler. Olar Halkara ykdysady gatnaşyklary fakultetiniň IV ýyl talyby Akmyrat Tirkeşow 1-nji ýere, Halkara ykdysady gatnaşyklary fakultetiniň III ýyl talyby Meýlis Hojamyradow 2-nji ýere, Halkara ykdysady gatnaşyklary fakultetiniň II ýyl talyby Arazgül Ballyýewa 3-nji ýere, Halkara žurnalistikasy fakultetiniň III ýyl talyby Begenç Aşyrow 3-nji ýere eýe boldular.
Ýeri gelende bellesek, 2022-nji ýylyň 28-nji maýynda Türkmen döwlet ykdysadyýet we dolandyryş instituty tarapyndan geçirilen «Matematika» dersi boýunça internet olimpiadasynda institutymyzyň talyplary özleriniň başarnyklaryny görkezip, Halkara ykdysady gatnaşyklary fakultetiniň IV ýyl talyby Akmyrat Tirkeşow 2-nji orna, Halkara ykdysady gatnaşyklary fakultetiniň II ýyl talyby Arazgül Ballyýewa 3-nji orna mynasyp boldular. Talyplarymyzyň bu başarnyklary bizi buýsandyrýar hem galkyndyrýar. Talyplara geljekki bäsleşiklerde hem uly üstünlikleriň hemra bolmagyny arzuw edýäris.
Resul GYLYJOW,
Türkmenistanyň Daşary işler ministrliginiň
Halkara gatnaşyklary institutynyň
Halkara ykdysady gatnaşyklary
fakultetiniň
1-nji ýyl talyby.