Ýaş žurnalistleriň nobatdaky döredijilik üstünligi
2025-nji ýylyň 13-nji fewralynda Magtymguly adyndaky Türkmen döwlet uniwersitetinde Berkarar döwletiň täze eýýamynyň Galkynyşy döwründe ýurdumyzda alnyp barylýan tutumly işleriň mynasyp waspyny ýetirmek, ýaşlaryň döredijilik ukyplaryny kämilleşdirmek, olary medeniýete, sungata we döredijilik gözleglerine ruhlandyrmak maksady bilen, ýurdumyzyň ýokary okuw mekdepleriniň talyplarynyň arasynda yglan edilen «Döwrüň özgertmeleri – ýaş žurnalistleriň gözi bilen» atly makala ýazmak bäsleşiginiň ýeňijilerini sylaglamak dabarasy geçirildi. «Türkmenistan» gazetiniň redaksiýasy hem-de Magtymguly adyndaky Türkmen döwlet uniwersiteti tarapyndan bilelikde guralan döredijilik bäsleşigi I we II derejeler boýunça geçirilip, I derejä žurnalistika hünärinde, II derejä bolsa beýleki hünärlerde okaýan talyplar gatnaşdy.
Döredijilik bäsleşiginiň netijelerine laýyklykda, institutymyzyň Halkara žurnalistikasy fakultetiniň V ýyl talyby Aýlar Atajykowa I dereje boýunça II orna, II ýyl talyby Yhlas Hallyýew III orna mynasyp boldular. Biz hem talyp deň-duşlarymyzy gazanan döredijilik üstünligi bilen tüýs ýürekden gutlaýarys!
Gülkamar SAPAROWA,
Türkmenistanyň Daşary işler ministrliginiň
Halkara gatnaşyklary institutynyň
Halkara žurnalistikasy fakultetiniň II ýyl talyby.