«ÝAŞ YKDYSATÇYLAR» YLMY GURNAGYNYŇ AGZALARYNYŇ NOBATDAKY DUŞUŞYGY
2023-nji ýylyň 23-nji noýabrynda Türkmenistanyň Daşary işler ministrliginiň Halkara gatnaşyklary institutynyň Halkara ykdysady gatnaşyklary kafedrasynyň «Ýaş ykdysatçylar» ylmy gurnagynyň nobatdaky duşuşygy geçirildi. Oňa gurnagyň agzalary gatnaşyp, özleriniň alyp barýan ylmy işleri barada gürrüň berdiler. Şeýle-de Halkara ykdysady gatnaşyklary kafedrasynyň dosenti, tehniki ylymlarynyň kondidaty, halypa mugallym Öwezmyrat Bäşimow “Jemgyýetde logistika ylmynyň orny” atly temadan hem-de onuň ýolbaşçylygynda Halkara ykdysady gatnaşyklary fakultetiniň talyby Abdyresul Nurberdiýew “Aşgabat şäherinde ýolagçylary gatnatmagy logistikanyň nukdaýnazaryndan gurnamak” atly ylmy işi bilen çykyş etdiler. Şeýle hem tejribe alyşmakda we işewürlik gatnaşyklarynyň inçe syrlaryny öwrenmekde bilelikdäki duşuşyklaryň, ylmy-amaly maslahatlaryň, sapaklaryň we beýleki çäreleriň geçirilmeginiň uly ähmiýetiniň bardygy bellenildi. Duşuşyga gatnaşyjylar ýaşlary öz höwes bildirýän ugurlary boýunça ylmy işlere çekmekde berýän çäksiz goldawlary üçin hormatly Prezidentimize alkyş sözlerini aýtdylar.
Esenmyrat HANGELDIÝEW,
Türkmenistanyň Daşary işler ministrliginiň
Halkara gatnaşyklary institutynyň
Halkara ykdysady gatnaşyklary
fakultetiniň I ýyl talyby.