«ÝAŞ YKDYSATÇYLAR» YLMY GURNAGYNYŇ AGZALARYNYŇ NOBATDAKY DUŞUŞYGY
2023-nji ýylyň 20-nji dekabrynda Türkmenistanyň Daşary işler ministrliginiň Halkara gatnaşyklary institutynyň Halkara ykdysady gatnaşyklary kafedrasynyň «Ýaş ykdysatçylar» ylmy gurnagynyň nobatdaky duşuşygy geçirildi. Oňa gurnagyň agzalary gatnaşyp, özleriniň alyp barýan ylmy işleri barada gürrüň berdiler. Şeýle-de Halkara ykdysady gatnaşyklary kafedrasynyň dosenti, tehniki ylymlarynyň kandidaty, halypa mugallym Öwezmyrat Bäşimow hem-de onuň ýolbaşçylygynda Halkara ykdysady gatnaşyklary fakultetiniň II ýyl talyby Ataýewa Güljeren “Ykdysadyýetiň taryhy we geljegi” atly ylmy işi bilen çykyş etdiler. Şeýle hem ykdysadyýetde täze düşünjeleriň emele gelmeginde jemgyýetiň durmuş-ykdysady ýagdaýlarynyň ösüş depgininiň orny barada sorag-jogap, pikir alşyldy.
Duşuşyga “Ýaş ykdysatçy” gurnagymyzyň ýaşlary özleriniň höwes bildirýän ugurlary boýunça ylmy işlere çekmekde berýän çäksiz goldawlary üçin Arkadagly Gahryman Serdarymyza alkyş sözlerini aýtdylar.
Agahan AGAHANOW,
Türkmenistanyň Daşary işler ministrliginiň
Halkara gatnaşyklary institutynyň
Halkara ykdysady gatnaşyklary fakultetiniň III ýyl talyby.