ÝAŞ YKDYSATÇYLAR — INTERNET BÄSLEŞIGINIŇ ÝEŇIJILERI
2026-njy ýylyň 13-nji martynda Türkmen döwlet maliýe institutynyň guramagynda ýurdumyzyň ýokary okuw mekdepleriniň talyplarynyň arasynda maliýe hukugy dersi boýunça internet bäsleşigi geçirildi. Bu bäsleşige işjeň gatnaşyp, Türkmenistanyň Daşary işler ministrliginiň Halkara gatnaşyklary institutynyň Halkara ykdysady gatnaşyklary fakultetiniň talyplary Aýlar Jumaýewa I orna, Ogulçynar Magtymgulyýewa III orna mynasyp boldular.
Ata Watanymyzyň geljegi bolan ýaş nesillerde hukuk medeniýetini kemala getirmekde ýokary okuw mekdeplerine aýratyn orun degişlidir. Şunda maliýe hukugy dersi möhüm orna eýedir. Biz hem talyp deň-duşlarymyzy bu ders boýunça gazanan ýeňişleri bilen tüýs ýürekden gutlap, olaryň üstünlikleriniň dowamly bolmagyny arzuw edýäris!
Ahmet MUHANOW,
Türkmenistanyň Daşary işler ministrliginiň
Halkara gatnaşyklary institutynyň
Halkara ykdysady gatnaşyklary fakultetiniň 4-nji ýyl talyby.