ÝAŞ TÜRGENLERIMIZIŇ NOBATDAKY ÝEŇIŞLERI
2025-nji ýylyň 6-9-njy fewraly aralygynda sportuň Karate-do görnüşi boýunça Aşgabat şäheriniň Açyk çempionaty geçirildi. Bu ýaryşda dürli ýaşdaky türgenler Karate-donuň kata we kumite görnüşleri boýunça bäsleşdiler. Ýaryşa jemi 404 türgen gatnaşyp, ýokary netijeleri görkezdiler.
Ýaryşda Türkmenistanyň Daşary işler ministrliginiň Halkara gatnaşyklary institutynyň Halkara ykdysady gatnaşyklary fakultetiniň 2-nji ýyl talyby Rasul Atajanow we Halkara hukugy fakultetiniň 3-nji ýyl talyby Ýusup Garajaýew altyn medala mynasyp boldular.
Türkmen diplomatiýasynyň milli mekdebiniň talyplary Rasul Atajanowy hem-de Ýusup Garajaýewi sport ulgamynda gazanan ýeňişleri bilen tüýs ýürekden gutlap, olara geljekde okuwlarynda we sport äleminde uly üstünlikleriň ýar bolmagyny tüýs ýürekden arzuw edýäris.
Dursunjamal BERDIÝEWA,
Türkmenistanyň Daşary işler ministrliginiň Halkara
gatnaşyklary institutynyň Halkara ykdysady
gatnaşyklary fakultetiniň II ýyl talyby.