ÝAŞ DIPLOMATLARYŇ MEKDEBINIŇ AGZALARY BILEN OKUW SAPAGY GEÇIRILDI
2024-nji ýylyň 24-nji dekabrynda Türkmenistanyň Daşary işler ministrliginiň Halkara gatnaşyklary institutynyň garamagyndaky Ýaş diplomatlaryň mekdebiniň döredijilik, okuw we ylmy işleriniň meýilnamasyna laýyklykda, Türkmenistanyň diplomatiýasynyň möhüm ugurlary boýunça okuw merkeziniň Suw diplomatiýasy ugrunda “Türkmenistanyň halkara suw-ekologik meseleler boýunça halkara tagallalary we olaryň amala aşyrylyşy” atly okuw sapagy geçirildi.
Bu okuw sapagynyň dowamynda Ýaş diplomatlaryň mekdebiniň agzalaryna hormatly Prezidentimiziň suw diplomatiýasy boýunça öňe süren halkara başlangyçlarynyň ähmiýeti hem-de Türkmenistanyň suw howpsuzlygy babatynda amala aşyrýan wajyp çäreleri we olaryň halkara derejesindäki goldawy barada giňişleýin gürrüň edildi.
Merjen GURBANNAZAROWA,
Türkmenistanyň Daşary işler ministrliginiň
Halkara gatnaşyklary institutynyň
Halkara hukugy we deňeşdirme hukuk öwreniş
kafedrasynyň uly mugallymy.