ÝAŞ DIPLOMATLAR ÜÇIN TÄSIRLI GEÇEN DUŞUŞYK
2023-nji ýylyň 30-njy dekabrynda Türkmenistanyň Daşary işler ministrliginiň Halkara gatnaşyklary institutynda “Parahatçylygyň ýaş çaparlary” akyl-paýhas bäsleşiginiň I we II möwsümlerinde ýeňiji bolan talyplaryň we Türkmenistanyň BMG-daky hemişelik wekili, Türkmenistanyň adatdan daşary we doly ygtyýarly ilçisi, Türkmenistanyň Gahrymany Aksoltan Ataýewanyň arasynda halypa-şägirtlik duşuşygy geçirildi. Aksoltan Ataýewa biz ýaş çaparlara özüniň durmuş ýoly, hünär ýoly we üstünlige ýetmegiň syrlary barada ýatdan çykmajak gürrüňleri berdi. Ol bize gymmatly maslahatlary berdi we türkmen diplomatiýasynyň esasy taraplary we diplomatyň esasy häsiýetleri barada gürrüň berdi. Bu duşuşyk, geljekde garaşsyz we hemişelik bitarap Türkmenistanyň ilçileri bolup Watanymyza wepaly gulluk etmegimiz üçin we diplomatik hünäre bolan höwesimiziň artmagyna has hem itergi berdi.
Dawut GEZEROW,
Türkmenistanyň Daşary işler ministrliginiň
Halkara gatnaşyklary institutynyň
Halkara ykdysady gatnaşyklary fakultetiniň I ýyl talyby