ÝAŞ ALYMLAR GEŇEŞI BILEN I ÝYL TALYPLARYŇ ARASYNDA ÝOL HEREKETINIŇ HOWPSUZLYGYNA BAGYŞLANAN SÖHBETDEŞLIK
Ählimiziň bilşimiz ýaly, Türkmen halkynyň Milli Lideri Gahryman
Arkadagymyzyň başlangyjy bilen 2013-nji ýylda badalga berlen “Ýol hereketiniň
howpsuzlygy - ömrümiziň rahatlygy” atly şygar bilen geçirilýän biraýlygyň
dowamynda giň möçberli çäreler, wagyz-nesihat duşuşyklary geçirilýär.Ýokary
derejede geçirilýän çärelerde her bir raýatyň howpsyzlygyny üpjün etmek, ýol
hereketiniň düzgünlerini berjaý etmek barada giňişleýin düşindiriş işleri alnyp
barylýar. Her ýylyň 1-nji sentýabryndan 30-njy sentýabry aralygynda geçirilýän bu
çäreler ýol-ulag hadysalarynyň azalmagyna, raýatlarymyzyň rahat hem-de abadan
durmyşyny üpjün etmäge gönükdirilendir. Biraýlygyň dowamynda ýurdumyzyň
ýokary okuw mekdeplerinde we pudaklaýyn dolandyryş edaralarynda hem ýol
hereketiniň düzgünlerini giňişleýin düşindirmek boýunça wagyz-nesihat işleri
geçirilýär. Şeýle duşuşyklaryň biri hem 2023-nji ýylyň 15-nji sentýabrynda
Türkmenistanyň Daşary işler ministrliginiň Halkara gatnaşyklary institynyň Ýaş
alymlar geňeşiniň gurnamagynda Halkara hukugy fakultetiniň 1-nji ýyl talyplary
bilen geçirildi. Institutyň Halkara hukugy we deňeşdirme hukuk öwreniş
kafedrasynyň mugallymy Gülsenem Hommadowa ýol hereketiniň
howpsuzlygynyň Döwlet syýasatynyň aýrylmaz bölegine öwrülendigini belläp,
Gahryman Arkadagymyzyň, hormatly Prezidentimiziň ýolbaşçylygynda yolda
özüňi alyp barmagyň medeniýeti, düzgüni babatda durmuşa geçirilýän işleriň
ýokary derejede ähmiýetlidigini nygtady. Çäräniň dowamynda talyp ýaşlar ýolda,
jemgyýetçilik ulaglarynda özüňi alyp barmagyň düzgünleri bilen tanyşdyryldy.
Mälim bolşy ýaly, häzirki wagtda mekdep okuwçylarynyň, talyplaryň, edaradyr
jemgyýetçilik guramalaryň işgärleriniň ýoldaky hereketi köpelýär. Şonuň üçin hem
her bir adamyň, esasan hem mekdep okuwçylarynyň we talyp ýaşlaryň köpçülik
ýerlerinde seresap bolmagyny, özüni alyp barmagyň düzgünlerini öwretmek
möhümdir. Şu maksat bilen geçirilen çäräniň ýaşlary terbiýelemekdäki ähmiýeti
uludyr.
Türkmenistanyň Daşary işler ministrliginiň
Halkara gatnaşyklary institutynyň
Halkara hukugy fakultetiniň I ýyl talyby