ÝAPYK AÝLANYŞYKLY YKDYSADYÝETE BAGYŞLANAN MASLAHAT
2024-nji ýylyň 26-njy dekabrynda Türkmenistanyň Daşary işler ministrliginiň Halkara gatnaşyklary institutynda «Ýapyk aýlanşykly ykdysadyýete geçmek boýunça ählumumy Çarçuwaly maksatnamanyň ähmiýeti» atly maslahat geçirildi. Bu maslahaty Türkmenistanyň Daşary işler ministrliginiň Halkara gatnaşyklary institutynyň Halkara ykdysady gatnaşyklary kafedrasynyň mugallymy Gyzylgül Gurbanmuhamedowa alyp baryp, oňa bu ýokary okuw mekdebiň «Ýaş ykdysatçylar» ylmy gurnagynyň agzalary gatnaşdylar.
Ýatlap geçsek, 2024-nji ýylyň fewralynda geçirilen Bütindünýä hökümet sammitinde türkmen wekiliýeti tarapyndan öňe sürlen teklipleriň arasynda 2030-njy ýyla çenli döwür üçin durnukly ösüşe gönükdirilen gün tertibiniň ileri tutulýan ugurlaryna esaslanyp, ýapyk aýlanyşykly, ýagny galyndysyz (sirkulýar) ykdysadyýete geçmek boýunça ählumumy Çarçuwaly maksatnamany işläp taýýarlamak teklip edildi.
Döwletimiziň durnukly ykdysady ösüşini üpjün etmäge gönükdirilen işler galyndysyz ykdysadyýetiň talaplaryna doly laýyk gelýär. Ykdysadyýetiň ähli pudaklaryna ekologik nukdaýnazardan has kämil tehnologiýalar ornaşdyrylýar. Gaýtadan dikeldilýän energiýa çeşmelerini ulanmak bilen bagly degişli innowasion tehnologiýalary işläp taýýarlamaga hem-de zyňyndylary azaltmaga aýratyn üns berilýär.
Geçirilen maslahatyň ahyrynda oňa gatnaşyjylar sorag-jogap alyşdylar.
- Kemal DÖWLETÝAROW,
- Türkmenistanyň Daşary işler ministrliginiň
-
Halkara gatnaşyklary institutynyň
- Halkara ykdysady gatnaşyklary fakultetiniň III ýyl talyby.