WAGYZ-NESIHAT DUŞUŞYGY GEÇIRILDI
2024-nji ýylyň 27-nji martynda Türkmenistanyň Daşary işler ministrliginiň Halkara gatnaşyklary institutynda, bu ýokary okuw mekdebiniň ilkinji Zenanlar guramasynyñ guramagynda Gahryman Arkadagymyzyň «Enä tagzym – mukaddeslige tagzym» atly kitabyndan ugur alyp, şeýle-de gender deňligini öňe sürmek, maşgala mukaddesligini gorap saklamak bilen bagly wagyz-nesihat duşuşygy geçirildi.
Oňa Türkmenistanyň Daşary işler ministrliginiň Halkara gatnaşyklary institutynyň zenan mugallymlary, talyp gyzlary we birnäçe myhmanlar gatnaşdylar. Wagyz-nesihat duşuşygynda Türkmenistanyň Döwlet medeniýet merkeziniň Döwlet kitaphanasynyň kitaphanaçysy Bibigözel Mämmedowa, Türkmenistanyň Tebigaty goramak jemgyýetiniň wagyz-ündew işleri boýunça hünärmeni Gülnara Çaryýarowa dagy çykyş etdiler. Duşuşygyň dowamynda myhmanlar türkmen halkynyň Milli Lideri Gahryman Arkadagymyzyň 2024-nji ýylyň 22-nji fewralynda Türkmenistanyň Halk Maslahatynyň Prezidumyndaky çykyşyndan gelip çykýan wezipeler dogrusynda, şeýle-de Gahryman Arkadagymyzyň «Enä tagzym – mukaddeslige tagzym» atly kitabynda ýerleşdirilen jümleler, tebigat gözelligi bilen zenan gözelliginiň sazlaşygy barasynda, Arkadagly Gahryman Serdarymyzyň medeni-mirasymyzy, milliligimizi, sungatymyzy, däp-dessurlarymyzy gorap saklamakda we ösdürmekde alyp barýan nusgalyk işleri, maşgala mukaddesligi barada giňişleýin gürrüň berdiler.
Duşuşygyñ ahyrynda myhmanlar Gahryman Arkadagymyzyň, Arkadagly Gahryman Serdarymyzyň zenan mukaddesligini, ene-ata sarpany, ekologiýa abadançylygyny, däp-dessurlarymyzy gorap saklamakda we ösdürmekde alyp barýan ähli tutumly işleriniň rowaç bolmagyny arzuw etdiler.
Gyzylgül GURBANMUHAMEDOWA,
Türkmenistanyň Daşary işler ministrliginiň
Halkara gatnaşyklary institutynyň
Halkara ykdysady gatnaşyklary kafedrasynyň mugallymy,
institutyň ilkinji Zenanlar guramasynyň başlygy.