Wagyz-nesihat duşuşygy geçirildi
2024-nji ýylyň 28-nji maýynda Türkmenistanyň Daşary işler ministrliginiň Halkara gatnaşyklary institutynda Aşgabat şäherinde ýerleşýän ýokary we orta hünär okuw mekdeplerinde talyp ýaşlaryň arasynda terbiýesine ünsi gowşatmazlyk, internet ulgamynda sosial torlarda ýaýradylýan we mahabatlandyrylýan zyýanly maglumatlardan talyp ýaşlary ägä etmek, olara öýkünmezlik, talyp ýaşlary olaryň edebine, gylygyna ýaramaz täsir edýän psihologik täsirlenmelerden goramak, internet ulgamyndan maksadalaýyk peýdalanmak, ýol hereketiniň howpsuzlygyny berjaý etmek, kanunbozulmalaryň öňüni almak maksady bilen wagyz-nesihat duşuşygy geçirildi. Duşuşyga ýurdumyzyň hukuk goraýjy edaralarynyň wekilleri we institutyň talyp ýaşlarydyr mugallymlary gatnaşdylar.
Duşuşykda çykyş edenler internet ulgamynda sosial torlarda ýaýradylýan we mahabatlandyrylýan zyýanly maglumatlardan talyp ýaşlaryň ägä bolmaklary, olara öýkünmezlikleri, talyp ýaşlaryň edebine, gylygyna ýaramaz täsir edýän psihologik täsirlenmelerden goramak, internet ulgamyndan maksadalaýyk peýdalanmak, ýol hereketiniň howpsuzlygyny berjaý etmek, kanun bozulmalaryň öňüni almak ýaly meseleler barada giňişleýin çykyş etdiler. Çykyşlarda suratlaryň we wideo ýazgylaryň görkezilmegi duşuşygyň täsirini has-da artdyrdy.
Laçyn MÄTJÄÝEWA,
Türkmenistanyň Daşary işler ministrliginiň
Halkara gatnaşyklary institutynyň
Halkara žurnalistikasy fakultetiniň I ýyl talyby.