Üstünlikleriň buýsanjy
2021-nji ýylyň 15-nji noýabrynda Halkara ynsanperwer ylymlary we ösüş uniwersiteti dürli ugurlar boýunça II Açyk olimpiýadasyny geçirdi. Olara beýleki ýokary okuw jaýlarynyň talyplary bilen bir hatarda Türkmenistanyň Daşary işler ministrliginiň Halkara gatnaşyklary institutynyň talyplary hem işjeň gatnaşdy. Bu bäsleşikde hytaý dili boýunça gatnaşan talyplaryň birnäçesi baýrakly orunlary eýeledi. Birinji oruna Halkara žurnalistikasy fakultetiniň 4-nji ýyl talyby Rüstem Gurbanow, ikinji oruna şol fakultetiň 2-nji ýyl talyby Didar Islamow mynasyp boldy. Şonuň ýaly-da üçünji orny Halkara hukugy fakultetiniň 3-nji ýyl talyplary Han Hojagulyýew, Döwlet Babakulyýew eýelemegi başardylar. Şeýle hem höweslendiriji orunlary Halkara ykdysady gatnaşyklary fakultetiniň 3-nji ýyl talyby Eziz Baýramow, Halkara žurnalistikasy fakultetiniň 4-nji ýyl talyplary Sona Halykowa we Mähri Agamyradowa eýelediler.
Mähriban GELENOWA,
Türkmenistanyň Daşary işleri ministrliginiň
Halkara gatnaşyklary institutynyň uly mugallymy.