Ussatlyk sapagy geçirildi
2023-nji ýylyň 17-18-nji oktýabrynda Türkmenistanyň Daşary işler ministrliginiň Halkara gatnaşyklary institutynda Ýewropada Howpsuzlyk we Hyzmatdaşlyk Guramasynyň Aşgabatdaky Merkeziniň guramagynda žurnalistika ugrundan bilim alýan talyplar üçin media-sowatlylyk boýunça okuw hem-de bu ugurda okadýan mugallymlar üçin ussatlyk sapagy geçirildi.
Bu çärä Türkmenistanyň Daşary işler ministrliginiň Halkara gatnaşyklary institutynyň, Halkara ynsanperwer ylymlary we ösüş uniwersitetiniň, Magtymguly adyndaky Türkmen döwlet uniwersitetiniň mugallymlary we talyplary gatnaşdylar.
Okuw sapagynyň esasy maksady media-sowatlylyk boýunça milli hünärmenleriň ukyp-başarnyklaryny artdyrmaga gönükdirildi. Sapagyň dowamynda halkara bilermenler media-sowatlylygyň bu günki ýeten derejesi, mümkinçilikleri barada dünýä tejribesiniň mysalynda giňişleýin düşünje berdiler.
Bu okuw sapagy örän gyzykly we täsirli bolup, onda sanly ulgamyň mümkinçilikleri we dogry peýdalanmagyň ýollary barada giňişleýin maglumatlar berildi.
Okuw sapagy pikir we tejribe alyşmaga uly mümkinçilik döretdi.
Merjen ORAZDURDYÝEWA,
Türkmenistanyň Daşary işler ministrliginiň
Halkara gatnaşyklary institutynyň
Halkara žurnalistikasy
fakultetiniň 1-nji ýyl talyby.
Şeýle hem bu barada şu ýerden
okap bilersiňiz: