ULAG-LOGISTIKA ULGAMYNA BAGYŞLANAN OKUW SAPAGY
2024-nji ýylyň 17-nji ýanwarynda türkmen diplomatiýasynyň milli mekdebi bolan Türkmenistanyň Daşary işler ministrliginiň Halkara gatnaşyklary institutynda transport diplomatiýasy, şeýle hem ulag-logistika ugry babatynda institutymyzyň professor-mugallymlarynyň, talyp ýaşlaryň hem-de myhmanlaryň gatnaşmagynda okuw sapagy geçirildi.
Sapagyň dowamynda gatnaşyjylar «Türkmenhowaýollary» agentliginiň, «Türkmenistan awiakompaniýasy» açyk görnüşli paýdarlar jemgyýetiniň, 5-nji awiaeskadriliýasynyň tejribeli uçarmany Çaran Dädebaýewiň beren gyzykly durmuş tejribesi baradaky gürrüňlerini üns bilen diňlediler. Mundan başga-da, çykyşlarda halkara we sebit derejsinde ulag-logistika ulgamyny ösdürmekde gazanylan netijelere üns çekildi. Hususan-da Arkadagly Gahryman Serdarymyzyň we Gahryman Arkadagymyzyň teklipleri esasynda ulag ulgamynda öňe sürülýän başlangyçlaryň dünýä jemgyýetçiligi tarapyndan giň goldawa eýe bolýandygy hakynda aýratyn bellenilip geçildi.
Okuw sapagynyň ahyrynda oňa gatnaşanlar hormatly Prezidentimize we Gahryman Arkadagymyza alkyş sözlerini aýtdylar. Şeýle hem parahatçylygy, dostlukly döwletara gatnaşyklaryny berkitmäge, halkara durnuklylygyny we howpsuzlygyny gazanmaga gönükdirilen syýasatyň ýokary ähmiýetini nygtadylar.
Mahym KAKAÝEWA,
Türkmenistanyň Daşary işler ministrliginiň
Halkara gatnaşyklary institutynyň
Halkara
Ykdysady gatnaşyklary fakultetiniň II ýyl talyby