Ulag diplomatiýasy okuw merkezinde sapaklar üstünlikli geçirilýär
Hormatly Prezidentimiziň başlangyjy esasynda, Türkmenistanyň Daşary işler ministrliginiň Halkara gatnaşyklary institutyndaky Türkmenistanyň diplomatiýasynyň möhüm ugurlary boýunça okuw merkezinde “Ulag diplomatiýasyna” degişli tassyklanan okuw meýilnamasyna laýyklykda, fakultatiw okuwlar ýokary derejede geçirilip, bu okuw sapaklaryna «Türkmen Logistika» Assosiasiýasynyň agzalary hem gatnaşdy. Bu okuw sapaklarynyň esasy maksady Türkmenistanyň Prezidentiniň “Ulag diplomatiýasyny ösdürmegiň 2022-2025-nji ýyllar üçin maksatnamasynyň” esasynda halkara hyzmatdaşlygynda ulag-üstaşyr geçelgelerini ösdürmekdir.
2022-nji ýylyň 16-njy noýabrynda «Türkmen Logistika» Assosiasiýasynyň hünärmeni Geldimyrat Amanow «Owganystan - Türkmenistan - Azerbaýjan - Gruziýa - Türkiýe» (Lapis-Lazuli), «Özbegistan - Türkmenistan - Eýran - Oman» we «Hazar deňzi - Gara deňzi» halkara ulag-üstaşyr geçelgeleriniň ykdysady ähmiýeti atly okuw sapagyny geçirdi. Bu okuw sapagyna Türkmenistanyň Daşary işler ministrliginiň Halkara gatnaşyklary institutynyň talyplary işjeň gatnaşdylar we sapaklaryň netijeleri boýunça nutuklar, prezentasiýalar taýýarladylar. Talyplar üçin bu okuw sapagy örän täsirli boldy.
Muhammetnazar AMANDURDYÝEW,
Türkmenistanyň Daşary işler ministrliginiň
Halkara gatnaşyklary institutynyň
Halkara ykdysady gatnaşyklary
fakultetiniň 1-nji ýyl talyby.