ULAG DIPLOMATIÝA UGRY BOÝUNÇA GÖÇME OKUW SAPAGY GEÇIRILDI
2023-nji ýylyň 17-nji aprelinde Türkmen döwlet maliýe institutynda Türkmenistanyň Daşary işler ministrliginiň Halkara gatnaşyklary institutynyň Türkmenistanyň diplomatiýasynyň möhüm ugurlary boýunça okuw merkeziniň “Ulag diplomatiýa” ugry boýunça «Türkmenistanyň daşary syýasaty we diplomatiýasy» atly temada göçme okuw sapagy geçirildi. Bu okuw sapagyna Türkmenistanyň Adatdan daşary we Doly ygtyýarly Ilçisi, halypa mugallym Sapar Berdinyýazow, şeýle hem Türkmen döwlet maliýe institutynyň talyplary gatnaşdylar. Talyplar üçin okuw sapagy örän täsirli boldy. Täze maglumatlara baý bolan bu sapagyň dowamynda Türkmenistanyň daşary syýasatynyň ösüşi barada talyp ýaşlar halypa mugallyma özlerini gyzyklandyrýan sowallar bilen ýüzlendiler.
Perhat ÇARYÝEW,
Türkmenistanyň Daşary işler ministrliginiň
Halkara gatnaşyklary institutynyň
Halkara ykdysady gatnaşyklary
kafedrasynyň uly mugallymy