Türkmenistanyň taryhy, iňlis dili, matematika, türkmen dili dersleri boýunça olimpiadalar
Ýurdumyzyň orta mekdepleriniň 11-nji synp okuwçylarynyň arasynda Birleşen Milletler Guramasy tarapyndan yglan edilen Bilimler güni mynasybetli Türkmenistanyň Daşary işler ministrliginiň Halkara gatnaşyklary institutynyň Magtymguly adyndaky Ýaşlar Guramasynyň Merkezi geňeşi bilen bilelikde “Watanyň daýanjy - bilimli ýaşlar, Arkadagly Serdaryň guwanjy ýaşlar!” atly Türkmenistanyň taryhy, matematika, türkmen dili, iňlis dili dersleri boýunça olimpiadany
guramak we geçirmek hakyndaky
DÜZGÜNNAMA
Türkmenistanyň Prezidentiniň Kararlary bilen tassyklanan Türkmenistanda sanly bilim ulgamyny ösdürmegiň Konsepsiýasyny, Türkmenistanda daşary ýurt dillerini okatmagy kämilleşdirmegiň Konsepsiýasyny durmuşa ornaşdyrmagyň Meýilnamalaryny ýerine ýetirmek, mekdep okuwçylaryny hünäre ugrukdyrmak, zehinlerini artdyrmak maksady bilen, ýurdumyzyň orta mekdepleriniň 11-nji synp okuwçylarynyň arasynda Birleşen Milletler Guramasy tarapyndan yglan edilen Bilimler güni mynasybetli “Watanyň daýanjy - bilimli ýaşlar, Arkadagly Serdaryň guwanjy ýaşlar!” atly Türkmenistanyň taryhy, matematika, iňlis dili, türkmen dili dersleri boýunça boýunça onlaýn olimpiadany guramak we geçirmek hakyndaky Düzgünnama işlenip taýýarlanyldy.
Umumy düzgünler
Şu Düzgünnama onlaýn olimpiadany guramagyň we geçirmegiň kadalaşdyryjy resminamasy bolup, ony geçirmegiň tertibini kesgitleýär. Watana, halkymyza, Türkmenistanyň Prezidentine wepaly, zehinli we başarjaň ýaşlary ýüze çykarmak, Türkmenistanyň bilim ulgamynyň dünýäniň ylym-bilim giňişligine sazlaşykly aralaşýan döwründe esasy mesele hökmünde orta çykýar. Onlaýn bäsleşigiň geçirilmegi, ýurdumyzyň mekdep okuwçylarynyň intellektual derejesini kesgitlemäge, Türkmenistanyň okgunly ösýän bazar ykdysadyýetinde innowasion tehnologiýalary ulanmakda we çylşyrymly meseleleri özbaşdak çözmegi başarýan zehinli ýaşlaryň ýüze çykarmakda ýardam eder.
Olimpiadanyň maksady
Zehinli mekdep okuwçylaryny ýüze çykarmak, olaryň sanly ulgamyň mümkinçiliklerini ulanmak endiklerini kämilleşdirmek hem-de giriş synaglaryň tabşyryljak dersleri boýunça bilimleriniň derejesini kesgitlemek.
Onlaýn olimpiadanyň guramagyň we geçirmegiň tertibi
1.Ýurdumyzyň çäginde ýerleşýän ähli mekdepleriň 11-nji synp okuwçylarynyň olimpiada gatnaşmaga hukugy bolup, olar 20.03.2023 senä çenli degişli maglumatlaryny elektron–salga: tdimhgi2023@gmail.com ugratmaly. Okuwçylaryň hasaba alnandyklary baradaky maglu mat elektron salgylaryna 3-nji aprele çenli ugradylar hem-de ol maglumatda bäsleşige gatnaşmaly senesi, wagty görkeziler.
Olimpiadanyň I tapgyrynyň geçiriljek rejesi:
a. 08.04.2023 – Aşgabat şäheri we Ahal welaýaty – Türkmenistanyň Daşary işler ministrliginiň Halkara gatnaşyklary institutynda;
b.10.04.2023 – Balkan welaýaty – Ýagşygeldi Kakaýew adyndaky Halkara nebit we gaz uniwersitetiniň şahamçasynda;
c. 11.04.2023 – Daşoguz welaýaty – Türkmen oba hojalyk institutynda;
d. 12.04.2023 – Lebap welaýaty – S.Seýdi adyndaky Türkmen döwlet mugallymçylyk institutynda;
e. 13.04.2023 – Mary welaýaty – Türkmen Döwlet energetika institutynda.
2. I tapgyrdan üstünlikli geçen mekdep okuwçylary barada Baş Bilim müdirliklerine hem-de II tapgyra gatnaşmaga hukuk gazanan okuwçylaryň elektron salgylaryna II tapgyra gatnaşmak üçin ýörite login/açar ugradylar we uzak aralykdan test tabşyrarlar.
Olimpiadanyň II tapgyrynyň geçiriljek rejesi:
a. 22.04.2023 – Aşgabat şäheri we Ahal welaýaty – Türkmenistanyň Daşary işler ministrliginiň Halkara gatnaşyklary institutynda;
b. 24.04.2023 – Balkan welaýaty – Ýagşygeldi Kakaýew adyndaky Halkara nebit we gaz uniwersitetiniň şahamçasynda;
c. 25.04.2023 – Daşoguz welaýaty – Türkmen oba hojalyk institutynda;
d. 26.04.2023 – Lebap welaýaty – S.Seýdi adyndaky Türkmen döwlet mugallymçylyk institutynda;
e. 27.04.2023 – Mary welaýaty – Türkmen Döwlet energetika institutynda.
Ýeňijileri kesgitlemegiň we sylaglamagyň tertibi
1. Olimpiadada ýokary utuklary gazanmagy başaran mekdep okuwçylaryň sanawy Türkmenistanyň Daşary işler ministrliginiň Halkara gatnaşyklary institutynyň rektorynyň buýrugy bilen tassyklanar.
2. Ýeňijiler: I, II, III ýerler hem-de höweslendiriji ýerler boýunça gurnaýjylar tarapyndan taýýarlanan Hormat haty we Türkmenistanyň Magtymguly adyndaky Ýaşlar guramasynyň Merkezi geňeşiniň ýadygärlik sowgatlary bilen institutda 2023-nji ýylyň 8-nji maýynda geçiriljek “Açyk gapylar” gününde sylaglanarlar.
Habarlaşmak üçin:
Tel: +993 12 223350,
E-poçta: tdimhgi2023@gmail.com
Türkmenistanyň Daşary işler ministrliginiň Halkara gatnaşyklary institutynyň Magtymguly adyndaky Ýaşlar Guramasynyň Merkezi geňeşi bilen bilelikde Ýurdumyzyň orta mekdepleriniň 11-nji synp okuwçylarynyň arasynda geçiren "Watanyň daýanjy - bilimli ýaşlar, Arkadagly Serdaryň guwanjy ýaşlar!" atly ders bäsleşiginiň jemleýji tapgyrynyň ýeňijileriniň
SANAWY
| T/b | Familiýasy we ady | Okuwçynyň okaýan mekdebi | Diplom derejesi |
| 1. | Öwezmyradow Batyr | Aşgabat şäherindäki Saparmyrat Türkmenbaşy adyndaky ýöriteleşdirilen umumybilim berýän mekdep internaty | I derejeli |
| 2. | Orazow Bakyguly | Ahal welaýatynyň Kaka etrabynyň 15-nji orta mekdebi | I derejeli
|
| 3. | Patjanowa Selbi | Balkanabat şäheriniň 11-nji orta mekdebi | I derejeli
|
| 4. | Atajanow Arslan | Daşoguz şäheriniň ýöriteleşdirilen 24-nji orta mekdebi | I derejeli
|
| 5. | Nedirowa Aýlar | Türkmenabat şäheriniň ýöriteleşdirilen 41-nji orta mekdebi
| I derejeli
|
| 6. | Mommaýew Şazada | Mary şäheriniň 5-nji orta mekdebi
| I derejeli
|
| 7. | Arslanow Kasym | Aşgabat şäherindäki Saparmyrat Türkmenbaşy adyndaky ýöriteleşdirilen umumybilim berýän mekdep internaty
| II derejeli |
| 8. | Muhammetgurbanow Dawut | Ak bugdaý etrabynyň 46-njy orta mekdebi
| II derejeli |
| 9. | Guljanowa Nurbibi | Balkanabat şäheriniň 11-nji orta mekdebi | II derejeli
|
| 10. | Mergenowa Amansoltan | Daşoguz şäheriniň ýöriteleşdirilen 24-nji orta mekdebi
| II derejeli
|
| 11. | Hudaýberdiýewa Bägül | Kerki etrabynyň 37-nji orta mekdebi
| II derejeli
|
| 12. | Gezerow Dawut | Mary şäherindäki iňlis dili we ynsançylyk ugurly okuw derslerini çuňlaşdyrylyp öwredilýän ýöriteleşdirilen welaýat mekdebi | II derejeli
|
| 13. | Atajanowa Gülzada | Aşgabat şäherindäki Saparmyrat Türkmenbaşy adyndaky ýöriteleşdirilen umumybilim berýän mekdep internaty
| III derejeli |
| 14. | Saparow Kerimberdi | Ak bugdaý etrabynyň ýöriteleşdirilen 27-nji orta mekdebi
| III derejeli
|
| 15. | Garryjaýewa Gülsere | Balkanabat şäheriniň 22-nji orta mekdebi
| III derejeli
|
| 16. | Salyhowa Arzuw | Daşoguz şäheriniň ýöriteleşdirilen 26-njy orta mekdebi
| III derejeli
|
| 17. | Muradowa Merjen | Köýtendag etrabynyň 1-nji orta mekdebi
| III derejeli
|
| 18. | Maksadow Myrat | Mary şäherindäki iňlis dili we ynsançylyk ugurly okuw derslerini çuňlaşdyrylyp öwredilýän ýöriteleşdirilen welaýat mekdebi
| III derejeli
|
| 19. | Jollykowa Tumar | Aşgabat şäheriniň 140-njy orta mekdebi | Hormat haty |
| 20. | Ýazçyýew Rahman | Babadaýhan etrabynyň 17-nji orta mekdebi
| Hormat haty
|