Türkmenistanyň hususy pudagynyň ösüşi, maýa goýum mümkinçilikleri boýunça halkara forumy we sergi geçirildi
2025-nji ýylyň 17—19-njy marty aralygynda Türkmenistanyň Senagatçylar we telekeçiler birleşmesiniň döredilmeginiň 17 ýyllygy mynasybetli, Türkmenistanyň Söwda-senagat edarasynyň sergi zalynda ýörite sergi we «Türkmenistanyň geljegine maýa goýumlar» atly halkara forum geçirdi.
Bu çäre hususy pudagyň mümkinçiliklerini dünýä jemgyýetçiligine ýetirmek, içerki we daşary ýurtly maýadarlar bilen hyzmatdaşlygy giňeltmek maksady bilen guraldy. Sergide Senagatçylar we telekeçiler birleşmesiniň agzalary tarapyndan ýurdumyzyň ykdysadyýetiniň dürli ugurlary – azyk senagaty, ýeňil we agyr senagat, dokma, elektronika, gurluşyk, hyzmatlar we zergärçilik önümleri bilen tanyşdylar. Şeýle-de, forumyň işine we sergä Türkmenistanyň Daşary işler ministrliginiň Halkara gatnaşyklary institutynyň talyplary hem gatnaşdylar.
Halkara forumyň çäklerinde ykdysady hyzmatdaşlygyň täze ugurlary ara alnyp maslahatlaşyldy, maýa goýum çekmek boýunça teklipler hödürlendi. Bu çäre türkmen telekeçileriniň halkara bazarlarynda ornuny berkitmek we ýurdumyza täze maýa goýumlary çekmek üçin giň mümkinçilikleri açar.
Resul GYLYJOW,
Türkmenistanyň Daşary işler ministrliginiň
Halkara gatnaşyklary institutynyň
Halkara ykdysady gatnaşyklary fakultetiniň IV ýyl talyby.