Türkmenistanyň Gyzyl Ýarymaý Milli jemgyýetiniň döredilmegine bagyşlanan çäre
2026-njy ýylyň 18-nji martynda Türkmenistanyň Daşary işler ministrliginiň Halkara gatnaşyklary institutynda Türkmenistanyň Gyzyl Ýarymaý Milli jemgyýetiniň geçirmeginde “Milli jemgyýetiň ynsanperwerlik işinde kömekçi wezipesini goldamak” atly taslamanyň çäginde Halkara Gyzyl Haç we Gyzyl Ýarymaý Halkara hereketiniň döredilmeginiň taryhyna bagyşlap, institutyň talyplarynyň gatnaşmagynda “Gyzyl Haç we Gyzyl Ýarymay Halkara hereketiniň döredilmeginiň taryhy” atly okuw çäresi geçirildi.
Geçirilen çäre Gyzyl Ýarymaý Milli jemgyýetiniň döredilmeginiň 100 ýyllygyna bagyşlandy. Mälim bolşy ýaly, Türkmenistanyň Gyzyl Ýarymaý Milli jemgyýeti 1926-njy ýyldan bäri hereket edip, her ýylyň 8-nji maýy – Halkara Gyzyl Hajyň we Gyzyl Ýarymaýyň Bütindünýä güni hökmünde bellenilýär.
Çärede Gyzyl Ýarymaý Milli jemgyýetiniň meýletinçileri tarapyndan Halkara Gyzyl Haç we Gyzyl Ýarymaý jemgyýetiniň döredilmegine bagyşlanyp sahna görkezildi. Bu görkezilen sahna gatnaşyjylarda uly täsir galdyrdy.
Nurgeldi TAGANOW,
Türkmenistanyň Daşary işler ministrliginiň
Halkara gatnaşyklary institutynyň
Halkara hukugy fakultetiniň 2-nji ýyl talyby.