TÜRKMENISTANYŇ ENERGETIKA DIPLOMATIÝASYNYŇ ESASY UGURLARY BOÝUNÇA OKUW SAPAGY
2024-nji ýylyň 15-nji noýabrynda Türkmenistanyň Daşary işler ministrliginiň Halkara gatnaşyklary institutynda BMG-niň 79-njy sessiýasynda Türkmenistanyň teklibi bilen “Merkezi Aziýa ̶ parahatçylyk, ynanyşmak we hyzmatdaşlyk zolagy” atly Kararnamanyň kabul edilmegi dogrusynda okuw sapagy geçirildi. Okuw sapagyny Halkara gatnaşyklary we diplomatiýa kafedrasynyň mugallymy Perhat Mahremow alyp bardy. Oňa institutyň Türkmenistanyň diplomatiýasynyň möhüm ugurlary boýunça okuw merkeziniň “Energetika diplomatiýasy” boýunça diňleýjileri gatnaşdylar.
Okuw sapagynyň dowamynda P.Mahremow Türkmenistanyň BMG bilen alyp barýan halkara hyzmatdaşlygy, şeýle hem Türkmenistanyň energetika diplomatiýasynyň halkara derejede öňe süren başlangyçlary barada gürrüň berdi. Bilşimiz ýaly, 2024-nji ýylyň 24-nji oktýabrynda BMG-niň Baş Assambleýasynyň 79-njy sessiýasynyň 25-nji plenar mejlisinde Türkmenistanyň başlangyjy bilen “Merkezi Aziýa ̶ parahatçylyk, ynanyşmak we hyzmatdaşlyk zolagy” atly Kararnama biragyzdan kabul edildi.
Täsirli geçen okuw sapagynyň dowamynda talyplar özlerini gyzyklandyrýan sowallara giňişleýin jogap aldylar.
Nurjemal HANOWA,
Türkmenistanyň Daşary işler ministrliginiň
Halkara gatnaşyklary institutynyň
Halkara žurnalistikasy fakultetiniň I ýyl talyby.