Türkmenistanyň daşary söwda dolanşygy: halkara hyzmatdaşlygynda
Ýurdumyzda Gahryman Arkadagymyzyň, Arkadagly Serdarymyzyň tagallalary bilen eksporta niýetlenen önümleri artdyrmak boýunça, “2024-nji ýylda Türkmenistanyň eksporty 15,1 milliard amerikan dollaryna deň bolar” diýip, Halkara Pul Gaznasy çaklaýar. Has takygy, 2024-nji ýylda Türkmenistanyň harytlar we hyzmatlar eksportynyň 15,1, importynyñ bolsa 9,9, daşary söwda dolanyşygynyň oňyn saldosy 5,2 milliard amerikan dollaryna deň bolmagyna garaşylýar. Şeýle hem, nebit pudagynda JIÖ-niň ösüşi 1,2% derejesinde, nebit däl pudakda 2,3% derejesinde bolmagyna garaşylýar. Ýurtda nebitiň gije-gündizki çykarylyşy her günde 0,18 mln barrel bolmagynda saklanyp galar.
Ýeri gelende aýtsak, Türkmenistan 2022-nji ýylda önümleriň eksporty boýunça 43,6% we jemi içerki önümiň ösüşi boýunça bolsa 6,2% ýokarlanandygyny aýratyn bellemek gerek. Hususan-da, bu görkeziji senagatda 6,3%, söwdada 8,9% we oba hojalygynda bolsa 5,7% deñ boldy. Bu barada Türkmenistanyň resmi metbugaty hem habar beripdi. Hatda, Türkmenistana goýulýan maýa goýumlaryň mukdary 2022-nji ýylda 14,2% ösdi we 4 müň sany täze iş orny döredildi.
Mundan başga-da, HPG 2023-nji ýylda Türkmenistanyň importynyň 9 milliard amerikan dollaryna, JIÖ-iň ýyllyk artyşy 6%-den ýokary barabar boljakdygyny çaklaýar. Bu bolsa, türkmen ykdysadyýetiniñ dünýäde okgunly ösýän ykdysadyýetleriň biri bolup, Türkmenistanyň dünýä söwdasyna işjeň gatnaşjakdygyna şaýatlyk edýär. Hasabatda bellenen daşary söwda dolanyşygynyň ösüşi maýa goýumçylar üçin oňyn duýduryşdyr, olar ýurduň ykdysadyýetine serişde goýmaga gyzyklanma bildirip bilerler. Golaýda Türkmenistanyň Maliýe we ykdysadyýet ministrligine 2024-nji ýyl üçin döwlet býujetiniň taslamasyny işläp düzmekligiň tabşyrylandygy köpçülikleýin habar beriş serişdelerinde beýan edilýär.
Ayjahan GULHANOWA,
Türkmenistanyň Daşary işler ministrliginiň
Halkara gatnaşyklary institutynyň
Halkara ykdysady gatnaşyklary
fakultetiniň II ýyl talyby.
Şeýle hem bu barada şu ýerden
okap bilersiňiz:
https://orient.tm/ru/post/53069/eksport-turkmenistana-v-2024-godu-sostavit-151-mlrd-prognoz-mvf