«Türkmenistan-Owganystan-Päkistan-Hindistan gaz geçirijisi: bähbitleriň utgaşýan ýeri we sebitdäki döwletlere berjek ähmiýet» atly geçirilen halkara maslahat
2022-nji ýylyň 27-nji maýynda Türkmenistanyň Döwlet energetika institutynda Wekilhanasy hem-de Mary welaýat häkimliginiň bilelikde guramaklarynda «Türkmenistan-Owganystan-Päkistan-Hindistan gaz geçirijisi: bähbitleriň utgaşýan ýeri we sebitdäki döwletlere berjek ähmiýet» atly halkara maslahat geçirildi. Bu maslahata Owganystanyň, Päkistan Yslam Respublikasynyň we Eýran Yslam Respublikasynyň diplomatik wekilhanalarynyň, ugurdaş edara-kärhanalaryň ýolbaşçylary professor-mugallymlar hem-de talyp ýaşlar gatnaşdylar. Halkara dabaraly maslahatyň başynda Türkmenistanyň Döwlet energetika institutynyň Kuwwat aýdym-saz toparynyň ýerine ýetirmeklerinde Watanymyzy, Gahryman Arkadagymyzy wasp edýän aýdymlara, tanyslara tomaşa edildi. Dabaraly maslahat mynasybetli institutyň baş binasynyň eýwanynda guralan sergide professor-mugallymlaryň, talyp ýaşlaryň taýýarlan ylmy taslama işleri, muzeý gymmatlyklary ýaýbaňlandyryldy. Maslahatyň dowamynda Gahryman Arkadagynyz tarapyndan başy başlanyp hormatly Prezidentimiziň ýolbaşçylygynda alnyp barylýan tutumly işler baradaky birnäçe çykyşlar diňlenildi. Maslahata gatnaşyjylar döredilýän ähli mümkinçilikler üçin hormatly Prezidentimize, Arkadagly Serdarymyza alkyş hem-de hoşallyk sözlerini aýtdylar.
Şeýle hem bu barada şu ýerden okap bilersiňiz!