Türkmenistan Bütindünýä gümrük guramasy bilen hyzmatdaşlygy giňeldýär
Türkmenistanyň Belgiýadaky ilçisi Sapar Pälwanow Bütindünýä gümrük guramasynyň Baş sekretary Kunio Mikuri bilen hyzmatdaşlygy mundan beýläk-de giňeltmegiň meselelerini ara alyp maslahatlaşdy – diýip, ýurdumyzyň Brýusseldäki diplomatik wekilhanasy habar berýär.
Diplomatik wekilhananyň baştutany BGG-niň Baş sekretaryna Türkmenistanda amala aşyrylýan gümrük gullugyny sanlylaşdyrmagyň çäreleri barada habar berdi, şeýle hem guramanyň wekillerine «bir penjire» ulgamyna badalga berlendigi, halkara ölçegleriniň we intellektual ulgamyň ornaşdyrylandygy barada gürrüň berdi.
Taraplar bu hereketleriň ýurtda eksport-import amallarynyň netijeliligini we aýdyňlygyny artdyrýandygyny nygtadylar.
Duşuşygyň çäklerinde Türkmenistanyň harytlary beýan etmegiň we kodlaşdyrmagyň sazlaşdyrylan ulgamy baradaky Halkara konwensiýasyna goşulýandygy baradaky resminamanyň dabaraly gowşurylyşy boldy.
Begendik DÖWLETÝAROW
Türkmeniatanyň Daşary işler ministrliginiň
Halkara gatnaşyklary institutynyň
Halkara ykdysady gatnaşyklary fakultetiniň II ýyl talyby
Çeşme şu ýerden alnan:
https://turkmengazet.com/turkmenistan-sazlasykly-ulgama-gosuldy/