Türkmen wekiliýeti XXVI Peterburg Halkara ykdysady forumyna gatnaşdylar
Berkarar döwletiň täze eýýamynyň Galkynyşy döwründe ýurdumyz gün saýyn ösüşlere beslenýär.
Türkmenistan Russiýa döwleti bilen halkara giňişlikde işjeň hyzmatdaşlyk edýärler, BMG-niň we beýleki iri halkara guramalaryň çäklerinde aýratyn ähmiýetli başlangyçlarydyr teklipleri ilerletmekde birek-biregi yzygiderli goldaýarlar.
Türkmenistan we Russiýa Federasiýasy oňyn syýasy-diplomatik gatnaşyklary ösdürmek bilen, söwda-ykdysady ulgamda, ýangyç-energetika toplumynda we beýleki pudaklarda netijeli hyzmatdaşlyk edýärler. Bu ugurlarda bar bolan kuwwatlyklary hasaba almak arkaly umumy tagallalaryň birleşdirilmegi has netijeli hasap edilýär.
Gahryman Arkadagymyzyň energetika ulgamynda halkara başlangyçlaryny amala aşyrmakda we sebitde hyzmatdaşlygy, ynanyşmagy berkitmekde türkmen wekiliýetiniň XXVI Peterburg Halkara ykdysady forumyna gatnaşmagynyň ähmiýeti örän uludyr.
Türkmen wekiliýeti 2023-nji 14-17-nji iýuny aralygynda Russiýanyň Sankt-Peterburg şäherinde geçirilen XXVI Peterburg halkara ykdysady forumyna gatnaşdy. Bu forum dünýäniň iň iri işewürlik forumlarynyň biridir. Forum 25 ýyl bäri dünýä ykdysadyýetiniň möhüm meselelerini ara alyp maslahatlaşmak we durnukly ösüşi üpjün etmek üçin öňdebaryjy dünýä tejribesini we başarnyklaryny paýlaşmak üçin öňdebaryjy platformalaryň biri bolup hyzmat edip gelýär. Bu forumyň çäklerinde Russiýanyň iň uly maýa goýum we infrastruktura taslamalar görkezildi, sergiler geçirildi. Onda azyk we azyk däl önümler, lomaý we bölek söwda, inženerçilik, gurluşyk, moda we gözellik, maliýe we maýa goýum pudagyndaky hyzmatlar, syýahatçylyk, bilim, IT we saglygy goraýyş ýaly ugurlarda ýetilen sepgitler görkezildi.
Sülgün NEPESOWA,
Türkmenistanyň Daşary işler ministrliginiň
Halkara gatnaşyklary institutynyň
Halkara ykdysady gatnaşyklary
kafedrasynyň mugallymy.